हरियाणाच्या करनाल येथे 78 जणांना कोरोना विषाणूची लागण झाल्याची माहिती मिळाली आहे. तसेच यातील 54 जण हे विद्यार्थी आहेत. मात्र त्यानंतर आरोग्य विभागात खळबळ उडाली आहे. हरियाणातील सैनिक स्कूलचे विद्यार्थी कोरोना पॉझिटिव्ह आल्यानंतर संपूर्ण शाळेला कॅंटोन्मेंट झोन म्हणून घोषित करण्यात आले आहे. तर 78 जणांना कोरोनाची लागण झाल्यामुळे आरोग्य विभाग चिंतेत पडला आहे.
हरियाणामधील करनालमध्ये आज एकाच दिवशी 78 जणांचा कोरोना चाचणी अहवाल सकारात्मक आल्याचे आढळले. व यातील 54 प्रकरणे ही कुंजपुरा येथील सैनिक शाळेलतील आहेत. त्यामुळे सहा महिन्यांच्या कालावधी नंतर इतक्या मोठ्या प्रमाणात कोरोनाचे रुग्ण सापडले आहेत. कुंजपुरा येथील सैनिकी स्कुलच्या विद्यार्थ्यांचा अहवाल सकारात्मक आल्यानंतर आरोग्य विभागाने शाळेला सॅनिटाईझ करण्यात आल्याची माहिती मिळाली आहे. शिवाय या शाळेतील शिक्षकांची देखील कोरोना चाचणी करण्यात आल्याची माहिती आरोग्य विभागाने दिली आहे.
दरम्यान, काल कुंजपुरा येथे तीन विद्यार्थ्यांसह 21 जणांना कोरोनाचा संसर्ग झाल्याचे समोर आले होते. त्यानंतर कोरोना विषाणूच्या संसर्गाचे संशयित म्हणून 2,20,538 जणांची कोरोना चाचणी करण्यात आली होती. यापैकी 2,06,924 जणांचा कोरोना अहवाल नकारात्मक आला आहे. याव्यतिरिक्त, कुंजपुरा येथील जाहीर करण्यात आलेल्या कॅंटोन्मेंट झोन मधील सर्वांचे स्क्रिनींग करण्यात येणार असल्याचे प्रशासनाने म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.