"वीजमंत्री निलेश काब्राल यांच्या हुकूमशाही वागणुकीचा निषेध"

Aam Aadmi Party protest against Power Minister Nilesh Cabral dictatorial behavior
Aam Aadmi Party protest against Power Minister Nilesh Cabral dictatorial behavior

पणजी: आम आदमी पार्टीने आज वीजमंत्री व कुडचड्याचे आमदार निलेश काब्राल यांच्या हुकूमशाही वागणुकीचा निषेध करत निदर्शने केली आणि कुडचडे काकोड्याच्या नगराध्यक्षांविरोधात मांडलेला अविश्वास ठराव त्वरित मागे घेण्याची मागणी केली. आप पक्षाचे कुडचडे काकोड्याचे अध्यक्ष जेम्स फर्नांडिस यांनी पत्रकारांशी बोलताना सांगितले की, नुकत्याच झालेल्या निवडणुका म्हणजे जनतेचा विजय आणि काब्राल यांचा पराभव होय.

त्यांनी निदर्शनास आणून दिले की, 5 नगरसेवकांना बिनविरोध निवडून आणण्याच्या काब्राल यांच्या दाव्याला परिसरातील लोकांनी परिषदेच्या सर्व प्रभागात उमेदवार उभे करून हाणून पाडले. बालकृष्ण होडारकर यांची नगराध्यक्षपदी निवड झाल्याने हे सिद्ध होते की, काब्राल यांनी पालिकेवरील नियंत्रण गमावले आहे. “निवडून आलेल्या नगरसेवकांना नगराध्यक्ष निवडून देण्याचा हक्क आहे,परंतु त्यांना नगराध्यक्षांविरुद्ध अविश्वास ठराव आणण्यासाठी काब्राल यांनी धमकावले आहे,” ते म्हणाले.

काब्राल यांना नवीन नगरसेवकांना हुकूमशाही पद्धतीने मार्गदर्शन न करण्याचा सल्ला देताना ते म्हणाले की,लोकांच्या शांततेला गृहीत धरले जाऊ नये. नगराध्यक्षांविरोधातील अविश्वास ठराव त्वरित मागे घ्यावा. पुढच्या वर्षी होणाऱ्या विधानसभा निवडणुकांबद्दल काब्राल काळजीत आहेत आणि म्हणून ते असे वागत आहेत, असे क्रिस्तानंद पेडणेकर म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com