पणजी: काँग्रेस मधून भाजप मध्ये गेलेल्या 10 आमदारांविरोधात अपात्रता याचिका सुनावणीसाठी याचिकादार काँग्रेसचे प्रदेशाध्यक्ष गिरीश चोडणकर आता विधानसभा संकुलात दाखल झाले आहेत.
त्यांनी यावेळी पत्रकारांशी बोलताना सर्वोच्च न्यायालयाच्या आदेशानुसार सभापतींना आज याचिका निकालात काढावी लागेल मग तो निर्णय माझ्या बाजूचा असेल वा विरोधातील असे वक्तव्य केले आहे. चोडणकर यांनी आमदार नीळकंठ हळर्णकर, आतानासिओ मोन्सेरात, जेनिफर मोन्सेरात, फ्रान्सिस सिल्वेरा, आंतोनिओ फर्नांडिस, विल्फ्रेड डिसा, फिलीप नेरी रॉड्रिग्ज, इजिदोर फर्नांडिस, चंद्रकांत कवळेकर यांच्याविरोधात अपात्रता याचिका सादर केली आहे. सभापती या याचिकेवर सुनावणी घेत नाहीत म्हणून चोडणकर यांनी सर्वोच्च न्यायालयात धाव घेतली आहे. तेथे ती याचिका प्रलंबित असून मागील सुनावणीवेळी सॉलिसिटर जनरल यांनी ही याचिका सुनावणीसाठी ठेवण्यात आली असल्याकडे सर्वोच्च न्यायालयाचे लक्ष वेधले होते. प्रतिवादी आमदार अद्याप सुनावणीसाठी यायचे आहेत.
त्याचबरोबर ढवळीकर यांनी आज सांगितले की, "निर्णय काय होईल यावर मी भाष्य करू इच्छित नाही आता जो काय निर्णय घ्यायचा आहे तो सभापतींनी घ्यायचा आहे. आज निर्णय होईल असेही मी म्हणत नाही. आधी सभापती काय निर्णय घेतात ते पाहू आणि नंतर या विषयावर बोलू" असे त्यांनी नमूद केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.