यावर्षीच्या गोवा मुक्तिदिनापूर्वी गोव्याला स्वयंपूर्ण बनवण्याचा मानस

Goa Government to make Goa self sufficient before this years Goa Liberation Day
Goa Government to make Goa self sufficient before this years Goa Liberation Day

पणजी :  पुण्यातील प्रादेशिक लोकसंपर्क ब्युरोतर्फे महाराष्ट्र व गोव्यात राबविल्या जाणाऱ्या आत्मनिर्भर भारत व कोरोना लसीकरणच्या लोकजागृती अभियानाच्या रथाचं आज उद्घटन करण्यात आलं. गोव्याचे मुख्यमंत्री डॉ. प्रमोद सावंत यांनी आज हिरवा झेंडा दाखवून या लोकजागृती अभियानाच्या रथाचं उद्‍घाटन केलं. यावेळी कोरोना लसीकरणासंदर्भात जनजागृती करण्यावर आधारित गीत सादर करण्यात आले. या अभियानाचा रथ येत्या 60 दिवसांत गोव्यातील 600 ठिकाणी जनजागृती करणार आहे.

यावेळी प्रत्येक ठिकाणी आत्मनिर्भर भारत व स्वयंपूर्ण गोवा तसेच कोरोना लसीकरणसंदर्भात लोकांमध्ये लोकगीते व लोकनृत्यामार्फत जागृती केली जाणार आहे.  पंतप्रधान मोदींच्या आत्मनिर्भर भारत व स्वयंपूर्ण गोवा या संकल्पनेतून यावर्षीच्या गोवा मुक्तिदिनापूर्वी गोव्याला स्वयंपूर्ण बनवण्याचा मानस आहे, यासाठी केंद्राच्या विविध योजना राज्यात तळागाळापर्यंत पोहचविण्यात येणार आहेत. पंचायतीत स्वयंपूर्ण मित्रांमार्फत या योजना लोकांपर्यत  पोहचवण्याचा प्रयत्न होणार आहे.

या लोकजागृती अभियानामार्फत केंद्राच्या विविध योजना तसेच लसीकरणाची जनजागृती करण्यात येणार असल्याने लोकांनी त्याचा लाभ घ्यावा असे आवाहन आल्तिनो - पणजी येथील जॉगर्स उद्यानाजवळ आयोजित करण्यात आलेल्या कार्यक्रमावेळी मुख्यमंत्री प्रमोद सावंतांनी केलं.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com