पणजी : शेळ-मेळावली येथे आयआयटी संकुलाच्या विरोधात जनउद्रेक झाल्यानंतर सरकारने सावध भूमिका घेतली आहे. ‘आयआयटी’साठी जागा निश्चिती करताना तेथे त्याविरोधात कोणीही आंदोलन करणार नाही याची दक्षता घ्या, जागेच्या शोधावरून सरकार खो-खो खेळू इच्छीत नाही अशी स्पष्ट सूचना मुख्यमंत्री डॉ. प्रमोद सावंत यांनी दिली आहे. त्यांनी सांगितले, आयआयटीसाठी जागा निश्चित केली पाहिजे. गोव्यात आयआयटी नव्याने येत नाही. फर्मागुढी येथे आयआयटीचे संकुल हंगामी तत्त्वावर आहे. त्यांना कायम संकुल उभारायचे आहे. सत्तरीत आयआयटी तेथील लोकप्रतिनिधीच्‍या मागणीवरून नेण्यात आली होती पुढे लोक त्या प्रकल्पाच्याविरोधात गेले.
जनमताचा आदर करत सत्तरी तालुक्याबाहेर तो प्रकल्प नेण्याचा निर्णय सरकारने घेतला. आयआयटी आपल्या भागात आणावी अशी मागणी अनेकांनी केली आहे. कुडचडे परीसरात हा प्रकल्प आणावा अशी वीजमंत्री नीलेश काब्राल यांनी जाहीर मागणी केली आहे. सुरवातीला लोलये काणकोण येथील भगवती पठाराची पाहणी झाली होती नंतर सांग्यातील जागा सुचवल्या गेल्या होत्या. सत्तरीत त्यानंतर हा प्रकल्प करण्याचा प्रयत्न झाला. आता सांगे, कुडचडे, केपे परिसरात जागा सुचवू असे सांगण्यात येत आहे. जनतेला त्या भागात प्रकल्प हवा का हे आधी तपासा असे मी सांगितले आहे. जनतेवर प्रकल्प लादू नये अशी भूमिका त्यामागे आहे असे त्यांनी स्पष्ट केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.