पणजी : आय-लीग फुटबॉल स्पर्धेच्या पहिल्या टप्प्यात अव्वल स्थान मिळविलेल्या गोव्यातील चर्चिल ब्रदर्सच्या दुसऱ्या टप्प्यातील मोहिमेस शुक्रवारपासून (ता. 5) सुरू होणार आहे. त्यांची पहिली लढत रियल काश्मीर संघाविरुद्ध होईल.
पहिल्या टप्प्याप्रमाणेच दुसऱ्या टप्प्यातील सामनेही जैवसुरक्षा वातावरणात पश्चिम बंगालमधील कोलकाता व कल्याणी येथे खेळले जातील. पहिल्या टप्प्यातील कामगिरीच्या आधारे स्पर्धेतील 11 संघांची दुसऱ्या टप्प्यात दोन गटात विभागणी करण्यात आली आहे. अ गटातील सहा संघ आय-लीग विजेतेपदासाठी, तर ब गटातील पाच संघ पदावनती टाळण्यासाठी खेळतील. स्पर्धेतील शेवटचा साखळी सामना 27 मार्च रोजी चर्चिल ब्रदर्स व पंजाब एफसी यांच्यात खेळला जाईल. दुसऱ्या टप्प्यातील सामनेही एकेरी साखळी फेरी पद्धतीने खेळले जातील.
अ गटात चर्चिल ब्रदर्स (22 गुण), पंजाब एफसी (18) रियल काश्मीर (17), महम्मेडन स्पोर्टिंग (16), गोकुळम केरळा (16), टिड्डिम रोड एथलेटिक युनियन (16) या संघांचा समावेश आहे. ब गटात ऐजॉल एफसी (15 गुण), सुदेवा दिल्ली (9), चेन्नई सिटी (9), नेरोका एफसी (8) व इंडियन एरोज (4) या पाच संघांचा समावेश आहे.
चर्चिल ब्रदर्सचे वेळापत्रक
तारीख 5 मार्च : विरुद्ध रियल काश्मीर,
तारीख 10 मार्च : विरुद्ध गोकुळम केरळा,
तारीख 15 मार्च : विरुद्ध महम्मेडन स्पोर्टिंग,
तारीख 21 मार्च : विरुद्ध टिड्डिम रोड एथलेटिक युनियन,
तारीख 27 मार्च : विरुद्ध पंजाब एफसी.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.