लखनौ : भारतीय महिला क्रिकेट वन डे संघाची कर्णधार मिताली राजने आज इतिहास रचला. मिताली आंतरराष्ट्रीय क्रिकेटमध्ये 10,000 धावांचा टप्पा पूर्ण करणारी जगातली दुसरी आणि भारताची एकमेव महिला क्रिकेटपटू ठरली. लखनौच्या अटलबिहारी वाजपेयी एकाना आंतरराष्ट्रीय स्टेडियमवर दक्षिण आफ्रिकेविरूद्धच्या तिसर्‍या एकदिवसीय सामन्यात तिने हा विक्रम केला.
पहिल्या एकदिवसीय सामन्यात मितालीने 50 धावांची खेळी साकारली
दक्षिण आफ्रिकेविरूद्ध पाच एकदिवसीय सामन्यांची मालिका सुरू होण्यापूर्वी मितालीला दहा हजार धावा पूर्ण करण्यासाठी 85 धावांची गरज होती. पहिल्या एकदिवसीय सामन्यात तिने 50 धावा केल्या. दुसर्‍या सामन्यात तिला फलंदाजीची संधी मिळाली नाही, आज तिसर्‍या एकदिवसीय सामन्यात ती 50 चेंडूंत 36 धावा काढून बाद झाली. म्हणजेच 10 हजार एक धावा केल्याबरोबर तिची खेळीही संपुष्टात आली. भारताच्या या 38 वर्षीय महिला क्रिकेटपटूने भारतासाठी तिन्ही स्वरूपात मोठ्या प्रमाणात धावा केल्या आहेत.
शार्लोट एडवर्ड्सने सर्वाधिक धावा केल्या आहेत
महिला क्रिकेटमध्ये सर्वाधिक धावा इंग्लंडच्या शार्लोट एडवर्ड्सने केल्या असून, तिने
10,273 धावा केल्या आहेत. 2016 मध्ये आपल्या 20 वर्षांच्या कारकिर्दीला पूर्णविराम देणाऱ्या या माजी महिला क्रिकेटपटूने 191 एकदिवसीय सामन्यात 5992, 23 कसोटी सामन्यांत 1769 आणि 95 T20 आंतरराष्ट्रीय सामन्यांमध्ये 2605 धावा केल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.