IndiaVsEngland : इंग्लंडला 3-1 ने कसोटी मालिकेत पराभूत केल्यानंतर टीम इंडिया आता इंग्लंडविरूद्ध संघासह 5 सामन्यांची टी २० मालिका खेळणार आहे. ही मालिका 12 मार्चपासून सुरू होईल. ज्यासाठी दोन्ही संघ प्रॅक्टीस करताना दिसून येत आहेत. दरम्यान, शिखर धवनने इन्स्टाग्रामवर एक मजेदार व्हिडिओ शेअर केला आहे. ज्यात तो रोहित शर्मा, रिषभ पंत आणि कुलदीप यादव यांच्यासोबत निवांत वेळ एन्जॉय करताना दिसत आहे. ते लहान मुलांच्या खेळण्यांनी खेळत आहेत. रिषभ पंत शिखर धवनला चेंडू फेकून मारताना दिसत आहे. रोहित शर्मादेखील त्याला चेंडू मारत आहे. कुलदीप यादव लहान मुलांसाठी असलेली सायकल चालवताना दिसत आहे.
शिखर धवन, रोहित शर्मा, रिषभ पंत आणि कुलदीप यादव मुलांच्या खेळण्यांसमोर उभे असल्याचे या व्हिडिओत पाहता येईल. हा व्हिडिओ शेअर करताना शिखर धवनने कॅप्शनमध्ये लिहिले आहे, "कितीही मोठे झालात, तरी मनातलं बालपण जाता कामा नये, काम महत्त्वाचं आहेच, पण रिलॅक्स राहण्यासाठी मस्ती पण महत्त्वाची आहे. कुलदिप यादव त्याची पहिली राईड घेत आहे." त्याने हा व्हिडिओ 7 मार्चला शेअर केला आहे, ज्याने आतापर्यंत 2.8 दशलक्ष दृश्ये मिळविली आहेत. तसेच. लाखाहून अधिक लाईक्स आणि हजारो कमेंट्स आल्या आहेत. युजवेंद्र चहलने कमेंट्समध्ये लिहिले की, 'मी खोलीतून सर्व काही पाहत होतो, लहान मुलांची गंमत.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.