सीबीआय चौकशीसाठी परमबीर सिंग यांची सुप्रीम कोर्टात याचिका

parambir singh 1.jpg
parambir singh 1.jpg

दिल्ली: (Parambir Singh appeared in the Supreme Court for a CBI inquiry) मुंबईतील मनसुख हिरेन हत्या प्रकरणात रोज नवनवीन हालचाली घडताना दिसत आहेत. त्यातच आता हे प्रकरण थेट सुप्रीम कोर्टापर्यंत पोहोचल्याचे दिसत आहे. कारण, मुंबईचे माजी पोलीस आयुक्त परमबीर सिंह यांनी सुप्रीम कोर्टात याचिका दाखल केली असून, याप्रकरणी सीबीआय चौकशी करण्याची मागणी केली आहे.  या याचिकेत सीबीआयने तातडीने महाराष्ट्राचे गृहमंत्री अनिल देशमुख यांच्यावरील आरोपांची योग्य चौकशी करावी अशी मागणी केली आहे. (Parambir Singh appeared in the Supreme Court for a CBI inquiry)

मुंबईचे माजी पोलिस आयुक्त परमबीर सिंग यांनी गृहमंत्र्यांनी सचिन वाझेंना 100 कोटी वसूल करण्याचे टार्गेट देण्यात आल्याचा आरोप करत एक पत्र लिहिले होते. या पत्रानंतर महाराष्ट्रातील राजकीय वातावरण ढवळून निघाले आहे. महाराष्ट्राचे गृहमंत्री अनिल देशमुख यांच्यावरील भ्रष्टाचाराच्या आरोपाचा मुद्दा आज लोकसभा आणि राज्यसभेत  देखील   उपस्थित झाला. संसदेत भाजपचे मनोज कोटक यांनी 100 कोटींचा मुद्दा उपस्थित केला. त्याचवेळी पक्षाचे खासदार राकेश सिंह सभागृहात म्हणाले की, ''महाराष्ट्रात महाविकास आघाडी सरकार आहे आणि ते गृहमंत्र्यांना वाचवण्याचे काम करत आहे. त्यामुळे या प्रकरणाची  केंद्रीय केंद्रीय तपास यंत्रणेद्वारे वस्तुनिष्ठपणे चौकशी केली पाहिजे.''

मुकेश अंबानी (Mukesh Ambani) यांच्या निवासस्थानाजवळ सापडलेली चारचाकी वाहनातील स्फोटके आणि त्यानंतर वाहनाचा  संभाव्य  मालक मनसुख हिरेन यांच्या संशयास्पद मृत्यूचा तपस सुरू आहे. या प्रकरणात 'अक्षम्य चुका' केल्याच्या आरोपाखाली मुंबई पोलिस आयुक्त परमबीर सिंग यांची होमगार्ड विभागात बदली झाली. यानंतर परमबीर सिंग यांनी मुख्यमंत्री उद्धव ठाकरे यांना पत्र लिहून गृहमंत्री अनिल देशमुख यांच्यावर भ्रष्टाचाराचे गंभीर आरोप केले होते.  

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com