Possibility of Night curfew in Maharashtra
Possibility of Night curfew in Maharashtra

महाराष्ट्रात नाईट कर्फ्यू ? पुढच्या आठवड्यात निर्णयाची शक्यता

मुंबई :  महाराष्ट्रात कोरोनाचा वढता प्रादुर्भव बघता सरकारकडून मोठा निर्णय घएण्यात येण्याची शक्यता आहे. राज्यात कोरोनाचा संसर्ग असाच वाढत राहिल्यास, 12 तासांचा नाईट कर्फ्यु लागू केला जाऊ शकतो, अशी माहिती महाराष्ट्राचे मदत व पुनर्वस मंत्री विजय वडेट्टीवार यांनी दिली. त्यांनी सांगितले की या कर्फ्यू दरम्यान लग्न कार्यालय,मार्केट, सिनेमा हॉल यासारख्या गर्दीच्या जागा पूर्णपणे बंद कऱण्यात येतील. संध्याकाळी 5 ते पहाटे 5 या वेळेत निर्बंध लावण्याचा विचार सरकार करत आहे.

महाराष्ट्रात कोरोनाची परिस्थिती खालावली आहे. राज्याचे मुख्यमंत्री उद्धव ठाकरे हे नाईट कर्फ्यूबाबत पुढील आठवड्यात बैठक घेणार आहेत. यानंतर या कर्फ्यूबाबत सरकार मोठा निर्णय घेऊ शकते. निर्बंधांव्यतिरिक्त दंडांवरही सरकारने यावेळी कठोर कारवाई करण्याचादेखील निर्णय घेतला आहे. कोरोना नियमांचे उल्लंघन करून जर लग्न कार्यालयात 50 हून अधिक लोक जमल्याची घटना घडल्यास,1 लाख रुपये दंड आकारला जाईल.

विदर्भात कोरोनाची प्रकरणे वाढत आहेत. नागपुरातही शुक्रवारी 750 हून अधिक रूग्णांची नोंद झाली आहे. वर्धा,यवतमाळ व अमरावतीत आंशिक लॉकडाऊन लागू करण्यात आला आहे.वडेट्टीवार म्हणाले, "नवीन प्रकरणे वाढल्यास सरकार नाईट कर्फ्यूसारखी पावले उचलू शकते. जिल्हाधिकारी व मनपा आयुक्तांसह जिल्हा प्रशासनाला आपल्या भागातील परिस्थिती लक्षात घेता लॉकडाऊनबाबत अंतिम निर्णय घेण्यास सांगितले आहे.” नागरिक बेजबाबदारपणे सोशल डिस्टन्सिंग, मास्क वापरणे या नियमांचे पालन करताना दिसत नाहीत, याबाबत त्यांनी नाराजी व्यक्त करत कोरोनात वाढ होण्याची भिती व्यक्त केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com