पणजी,
२०१९ वर्षात प्रत्‍येक खात्‍याने आणि सरकारी व्‍यवस्‍थेने केलेल्‍या कामगिरीची माहिती आणि कौतुक सर्वत्र केले जात आहे. आरोग्‍याच्‍या बाबतीत मदतीचे मोलाचे कार्य करणारी १०८ रूग्‍णवाहिकासुध्‍दा यामध्‍ये मागे नाही. २०१९ साली या रूग्‍णवाहिकेला आलेल्‍या १५४२ पैकी १५३९ कॉल्‍सना या रूग्‍णवाहिकेने मदत केली असल्‍याची माहिती रूग्‍णवाहिका व्‍यवस्‍थापनाने दिली. या आकड्यांमध्‍ये सुमारे १०० पेक्षा अधिक अपघात असून यासह १५३९ कॉल्‍सच्‍या मदतीसाठी ही रूग्‍णवाहिका सेवा धावून आली आहे.
३१ डिसेंबर रोजी मोठ्या प्रमाणात अपघात गोव्‍यासारख्‍या पर्यटनप्रणित राज्‍यात होतात. मागीलवर्षी ३१ डिसेंबर २०१९ रोजी राज्‍यात १०० पेक्षा जास्‍त अपघातांची नोंद झाली. या प्रत्‍येकी अपघातातील जखमींना इस्‍पितळांपर्यंत नेत त्‍यांना जीवनदान देण्‍याचे आणि मदत करण्‍याचे काम १०८ रूग्‍णवाहिकेने केले. याचदिवशी घसरून पडण्‍याच्‍या ४३ घटना तर हृदयविकाराच्‍या झटक्‍याबाबत मदत मागणार्‍या १८ घटना घडल्‍या. मात्र १०८ रूग्‍णवाहिकेने दाखविलेल्‍या तत्परतेमुळे यातील सर्वांचा जीव वाचला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.