Pranali Kodre
भारताचा अष्टपैलू क्रिकेटपटू रविंद्र जडेजा आणि त्याच्या पत्नी रिवाबाने 16 मे 2023 रोजी भारताचे पंतप्रधान नरेंद्र मोदींची भेट घेतली.
रविंद्र आणि रिवाबा जडेजा यांनी मोदींची नवी दिल्लीत भेट घेतली. या भेटीचा फोटोही जडेजाने सोशल मीडियावर शेअर केला आहे.
जडेजाने मोदींबरोबरील भेटीच्या फोटोला कॅप्शन दिले आहे की 'तुम्हाला भेटून छान वाटले नरेंद्र मोदी साहेब. तुम्ही आपल्या मातृभूमीसाठी कठोर परिश्रम आणि समर्पणाचे उत्कृष्ट उदाहरण आहात! मला खात्री आहे की तुम्ही प्रत्येकाला सर्वोत्तम मार्गाने प्रेरणा देत राहाल.'
लक्षात घेण्यासारखी गोष्ट म्हणजे जडेजाची पत्नी रिबावा जामनगरमध्ये आमदार आहे.
भारतीय जनता पक्षाच्या रिवाबा यांनी गेल्यावर्षी गुजरातमध्ये जामनगरमधून विधानसभा निवडणूक लढवली होती.
या निवडणूकीत त्यांनी भरघोस मतांनी विजय मिळवला होता.
दरम्यान, जडेजा सध्या आयपीएल 2023 मध्ये चेन्नई सुपर किंग्सकडून खेळत आहे.
चेन्नईचा पुढील सामना दिल्लीमध्ये दिल्ली कॅपिटल्सविरुद्ध होणार आहे. त्यामुळे जडेजा सध्या दिल्लीत आहे.