Akshay Nirmale
केंद्रीय हवामान विभागाकडून गोवा वेधशाळेला (Goa IMD) अत्याधुनिक रेडिओसाँड यंत्रे मिळाली आहेत.
रेडिओसाँड हे यंत्र एका हायड्रोजन किंवा हेलियम फुग्यासोबत आकाशात सोडले जाते.
हा फुगा साधारण 30 ते 35 किलोमीटर उंचीवर जाऊ शकतो. त्यामुळे या उंचीवरील हवामानाचीही अचूक माहिती आता मिळेल. यापुर्वीच्या यंत्राद्वारे केवळ दीड ते दोन किलोमीटर अंतरावरील हवामानाची नोंद होत होती.
या यंत्रातील सेन्सरमुळे तापमान, आर्द्रता, वाऱ्याचा वेग आणि दिशा, वातावरणातील दाब याची अचूक माहिती मिळते.
IMD च्या गोव्यासह देशभरातील इतर केंद्रातून पहाटे साडे चार वाजता आणि सायंकाळी साडेचार वाजता एकाचवेळी हे फुगे आकाशात सोडले जातात.
या यंत्राने पाठवलेल्या माहितीचे विश्लेषण करून हवामानाचा अधिक अचूक अंदाज बांधला जातो.
एखाद्या भागात किती पाऊस पडेल याचाही अंदाज याद्वारे लावता येतो.