Pranali Kodre
भारत विरुद्ध ऑस्ट्रेलिया संघात 9 फेब्रुवारी 2023 पासून कसोटी मालिकेला सुरुवात होणार आहे.
ही कसोटी मालिका 4 सामन्यांची असणार आहे.
या कसोटी मालिकेतील पहिला सामना नागपूरला होणार असल्याने भारतीय संघ नागपूरमध्ये एकत्र आला आहे.
दरम्यान भारतीय संघाने कसोटी मालिकेसाठी तयारीही सुरू केली आहे.
भारतीय खेळाडू नेटमध्ये कसून सराव करत असून त्यांचे फोटो बीसीसीआयने सोशल मीडियावर शेअर केले आहेत.
या कसोटी मालिकेसाठी ऑस्ट्रेलियन संघही भारतात पोहचला असून सध्या कर्नाटकमधील अलूर येथे सराव करत आहे.
ऑस्ट्रेलियन संघ चार दिवसांच्या सराव शिबिरानंतर नागपूरला पोहोचणार आहे.
भारत आणि ऑस्ट्रेलिया संघात होणारी कसोटी मालिका ही बॉर्डर-गावसकर ट्रॉफी म्हणून ओळखली जाते.
दरम्यान, नागपूरनंतर दुसरा कसोटी सामना 17 - 21 फेब्रुवारीदरम्यान दिल्लीला होईल. तिसरा कसोटी सामना 1-5 मार्चदरम्यान धरमशाला आणि चौथा कसोटी सामना 9-13 मार्चदरम्यान अहमदाबादला होणार आहे.