Pranali Kodre
आयपीएल 2023 मध्ये 7 मे रोजी राजस्थान रॉयल्स विरुद्ध सनरायझर्स हैदराबाद संघात जयपूरला सामना पार पडला.
या सामन्यातून जो रुटचे आयपीएलमध्ये पदार्पण झाले. त्याने राजस्थान रॉयल्सकडून आयपीएल पदार्पण केले.
विशेष गोष्ट अशी की जो रुटचे आंतरराष्ट्रीय क्रिकेटमध्ये कसोटी, वनडे आणि टी20 पदार्पणही भारतातच झाले आहे.
जो रुटने कसोटी, वनडे आणि टी20 पदार्पण फक्त भारतातच नाही, तर भारतीय संघाविरुद्धच खेळताना केले आहे.
इंग्लंडने 2012-13 मध्ये भारत दौरा केला होता. त्याच दौऱ्यात रुटचे तिन्ही प्रकारात पदार्पण झाले होते.
जो रुटने डिसेंबर 2012 मध्ये नागपूरला कसोटी क्रिकेटमध्ये पदार्पण केले होते.
त्यानंतर त्याने 22 डिसेंबर 2012 रोजी त्याने मुंबईतील वानखेडे स्टेडियमवर त्याचे आंतरराष्ट्रीय टी20 पदार्पण केले होते.
जानेवारी 2013 मध्ये जो रुटला वनडे पदार्पणाचीही संधी मिळाली. त्यावेळी त्याने राजकोटला 11 जानेवारी 2013 रोजी झालेल्या सामन्यातून वनडे पदार्पण केले होते.