Pranali Kodre
महिला आयपीएल म्हणजेच वूमन्स प्रीमियर लीगच्या (WPL) पहिल्या हंगामाला 4 मार्चपासून सुरुवात होणार आहे.
या पहिल्या - वहिल्या हंगामाची बीसीसीआयने जोरदार तयारी केली असून अनेक सेलिब्रेटी उद्घाटन सोहळ्याला उपस्थितीही लावणार आहेत.
तसेच या हंगामात मुंबई इंडियन्स, रॉयल चॅलेंजर्स बेंगलोर, दिल्ली कॅपिटल्स, युपी वॉरियर्स आणि गुजरात जायंट्स हे 5 संघ खेळताना दिसणार आहेत.
दरम्यान, या पाचही संघांनी त्यांच्या संघाच्या कर्णधारांची नावे हंगाम सुरु होण्यापूर्वी घोषित केली आहेत.
मुंबई इंडियन्सने कर्णधारपदाची धूरा भारतीय संघाचे नेतृत्व सांभाळणाऱ्या हरमनप्रीत कौरकडे सोपवली आहे.
रॉयल चॅलेंजर्स बेंगलोरने भारताची स्टार फलंदाज स्मृती मानधनाकडे नेतृत्वाची धूरा सोपवली आहे.
दिल्ली कॅपिटल्सचे नेतृत्व ऑस्ट्रेलियाची ५ वेळची विश्वविजेती कर्णधार मेग लॅनिंग करताना दिसणार आहे.
युपी वॉरियर्स संघाचे कर्णधारपद ऑस्ट्रेलियाची यष्टीरक्षक फलंदाज एलिसा हेलीकडे सोपवण्यात आले आहे.
ऑस्ट्रेलियाची धडाकेबाज फलंदाज बेथ मूनी या डब्ल्यूपीएलच्या पहिल्या हंगामात गुजरात जायंट्सने कर्णधारपद सांभाळताना दिसणार आहे.