Pranali Kodre
आयपीएल 2023 स्पर्धेत मुंबई इंडियन्सने एलिमिनेटर सामन्यात लखनऊ सुपर जायंट्सला 81 धावांनी पराभूत केले.
मुंबईच्या या विजयात वेगवान गोलंदाज आकाश मधवालने महत्त्वाचा वाटा उचलला.
एमए चिदंबरम स्टेडियममध्ये पार पडलेल्या या एलिमिनेटर सामन्यात मुंबईकडून मधवालने 3.3 षटके गोलंदाजी करताना 5 धावा देत 5 विकेट्स घेतल्या.
मधवालची ही कामगिरी आयपीएलमधील चौथे सर्वोत्तम गोलंदाजी प्रदर्शन ठरले आहे. मधवालने अनिल कुंबळेची बरोबरी केली आहे.
कुंबळेनेही रॉयल चॅलेंजर्स बेंगलोरकडून 2009 मध्ये केपटाऊनमध्ये झालेल्या राजस्थान रॉयल्सविरुद्धच्या सामन्यात 5 धावांत 5 विकेट्स घेतल्या होत्या.
आयपीएलमध्ये सर्वोत्तम गोलंदाजी प्रदर्शन करणाऱ्या गोलंदाजांच्या यादीत अव्वल क्रमांकावर अल्झारी जोसेफ असून त्याने 2019 मध्ये मुंबई इंडियन्सकडून सनरायझर्स हैदराबादविरुद्ध 12 धावात 6 विकेट्स घेतल्या होत्या.
दुसऱ्या क्रमांकावर असलेल्या सोहेल तन्वीरने राजस्थान रॉयल्सकडून चेन्नई सुपर किंग्सविरुद्ध 2008 मध्ये 14 धावांत 6 विकेट्स घेतल्या होत्या.
ऍडम झम्पा या यादीत तिसऱ्या क्रमांकावर आहे. त्याने रायझिंग पुणे सुपरजायंट्सकडून सनरायझर्स हैदराबादविरुद्ध 2016 मध्ये 19 धावांत 6 विकेट्स घेतल्या होत्या.