Pranali Kodre
सानिया मिर्झा आणि रोहन बोपन्ना या भारतीय जोडीने 25 जानेवारी रोजी ऑस्ट्रेलियन ओपन 2023 स्पर्धेतील मिश्र दुहेरीच्या अंतिम फेरीत धडक मारली आहे.
सानिया आणि रोहन यांनी उपांत्य सामन्यात तिसऱ्या मानांकित डिझायरे क्रावचेक अणि निल स्कुप्स्की या जोडीला पराभूत केले.
एक तास 52 मिनिटे चाललेल्या या अटीतटीच्या सामन्यात 7-6(5) 6-7(5) 10-6 अशा फरकाने सानिया आणि रोहन या जोडीने विजय मिळवला आहे.
दरम्यान, हा उपांत्य सामना संपल्यानंतर सानियाचा मुलगा इझहान आणि रोहनची मुलगी त्रिधा हे कोर्टवर आले होते.
यावेळी या दोन्ही चिमुकल्यांनी सर्वांचे लक्ष वेधले.
इझहान आणि त्रिधा कोर्टवर आल्यानंतर त्यांना सानिया आणि रोहनने उचलून घेतले होते.
त्यांचे कोर्टवर आल्यानंतरचे फोटोही व्हायरल झाले आहेत.
दरम्यान, सानिया आणि रोहन यांना शुक्रवारी ऑस्ट्रेलियन ओपन 2023 मधील मिश्र दुहेरीचा अंतिम सामना खेळायचा आहे.
महत्त्वाचे म्हणजे ऑस्ट्रेलियन ओपन 2023 ही सानियाची कारकिर्दीतील अखेरची ग्रँडस्लॅम स्पर्धा आहे.