Pranali Kodre
आयपीएल 2023 स्पर्धेच्या दुसऱ्या क्वालिफायर सामन्यात गुजरात टायटन्सने मुंबई इंडियन्सला 62 धावांनी पराभूत केले.
पण या सामन्यात मुंबईकडून सूर्यकुमार यादवने 61 धावांनी खेळी करत चांगली झुंज दिली होती.
या खेळीदरम्यान सूर्यकुमारने आयपीएल 2023 स्पर्धेत 600 धावांचा टप्पा ओलांडला. त्याच्या या हंगामात 16 सामन्याच 605 धावा झाल्या आहेत.
त्यामुळे आता सूर्यकुमार एका आयपीएल हंगामात 600 पेक्षा जास्त धावा करणारा मुंबई इंडियन्सचा दुसराच फलंदाज ठरला आहे.
यापूर्वी मास्टर-ब्लास्टर सचिन तेंडुलकरने एका आयपीएल हंगामात मुंबई इंडियन्सकडून 600 पेक्षा जास्त धावा करण्याचा कारनामा पहिल्यांदा केला होता.
सचिन तेंडुलकरने 2010 आयपीएल हंगामात मुंबई इंडियन्सकडून खेळताना 618 धावा केल्या होत्या.
सचिन आणि सूर्यकुमार यांच्या व्यतिरिक्त एका आयपीएल हंगामात मुंबई इंडियन्सकडून 600 पेक्षा जास्त धावा अजून कोणी केलेल्या नाहीत.
मुंबई इंडियन्सकडून एका आयपपीएल हंगामात सर्वाधिक धावा करणाऱ्या खेळाडूंमध्ये सचिन आणि सूर्यकुमार पाठोपाठ तिसऱ्या क्रमांकावरही सचिनचेच नाव आहे. सचिनने 2011 हंगामात 553 धावा केल्या होत्या.