Pranali Kodre
भारतात ऑक्टोबर-नोव्हेंबर 2023 दरम्यान 13 वा वनडे वर्ल्डकप खेळवण्यात येणार आहे.
आत्तापर्यंत भारताकडून 85 खेळाडूंनी वनडे वर्ल्डकपमध्ये किमान एक तरी सामना खेळला आहे.
भारताकडून सर्वात कमी वयात वनडे वर्ल्डकप खेळण्याचा विक्रम सचिन तेंडुलकरच्या नावावर आहे.
सचिन तेंडुलकरने 18 वर्षे 304 दिवस वय असताना पहिल्यांदा वर्ल्डकप सामना खेळला होता.
सर्वात कमी वयात वनडे वर्ल्डकप खेळणाऱ्या भारतीय खेळाडूंमध्ये सचिन पाठोपाठ विनोद कांबळी असून त्याने 20 वर्षे 35 दिवस वय असताना पहिला वर्ल्डकप सामना खेळला होता.
या यादीत तिसऱ्या क्रमांकावर असलेल्या कपिल देव यांनी 20 वर्षे 154 दिवस वय असताना पहिला वर्ल्डकप सामना खेळलेला.
रवी शास्त्री या यादीत चौथ्या क्रमांकावर असून त्यांनी 21 वर्षे 13 दिवस वय असताना पहिला वर्ल्डकप सामना खेळला होता.
पाचव्या क्रमांकावर असलेल्या अजय जडेजा यांनी 21 वर्षे 27 दिवस वय असताना वर्ल्डकप पदार्पण केले होते.
या यादीत सहाव्या क्रमांकावर युवराज सिंग असून त्याने 21 वर्षे 62 दिवस वय असताना पहिला वर्ल्डकप सामना खेळला होता.