Pranali Kodre
भारतीय क्रिकेट संघाचा भरवशाचा फलंदाज विराट कोहलीने आत्तापर्यंत आंतरराष्ट्रीय क्रिकेटमध्ये खोऱ्याने धावा काढल्या आहेत.
विराटने त्याच्या कारकिर्दीत 74 आंतरराष्ट्रीय शतके केली आहेत.
यामधील 46 शतके त्याने वनडे प्रकारात केली आहेत.
विराटने 46 शतकांपैकी 5 वेळा 150 धावांपेक्षा अधिक धावा केल्या आहेत.
विराटने सर्वात आधी 2012 साली पहिल्यांदा वनडेत 150 धावांचा टप्पा पार केला होता.
विराटने पाकिस्तान विरुद्ध 2012 साली मिरपूरला 183 धावांची खेळी केली होती. ही त्याची वनडे कारकिर्दीतील सर्वोच्च खेळी देखील आहे.
त्यानंतर विराटने न्यूझीलंडविरुद्ध 2016 साली मोहाली वनडेमध्ये नाबाद 154 धावांची खेळी केली होती.
विराटने 2018 साली दोनवेळा वनडेत 150 धावांचा टप्पा पार केला होता.
त्याने 2018 साली केपटाऊनला दक्षिण आफ्रिकेविरुद्ध नाबाद 160 आणि विशाखापट्टणमला वेस्ट इंडिजविरुद्ध नाबाद 157 धावांची खेळी केली होती.
त्यानंतर आता त्याने 15 जानेवारी 2023 रोजी श्रीलंकेविरुद्ध तिरुअनंतपुरम येथे नाबाद 166 धावांची खेळी केली. हे त्याचे वनडेतील पाचवे दीडशतक होते.