Pranali Kodre
वनडे वर्ल्डकप 2023 स्पर्धेत भारताने बांगलादेशविरुद्ध 19 ऑक्टोबर रोजी पुण्यातील महाराष्ट्र क्रिकेट असोसिएशन स्टेडियमवर झालेल्या सामन्यात 7 विकेट्सने विजय मिळवला.
या सामन्यात चाहत्यांना विराटच्या शतकाबरोबरच त्याची गोलंदाजीही पाहायला मिळाली.
या सामन्यात 9 व्या षटकात हार्दिक पंड्या गोलंदाजी करत असताना तिसऱ्या चेंडूवर लिटन दासने सरळ फटका खेळला, यावेळी पायाने हार्दिकने चेंडू आडवण्याचा प्रयत्न केला, मात्र हार्दिक या प्रयत्नात दुखापतग्रस्त झाला. त्यामुळे त्याला बाहेर जावे लागले.
यामुळेच त्याचे उर्वरित षटक विराट कोहलीने पूर्ण केले.
विराट यावेळी तब्बल 6 वर्षांनी वनडेत गोलंदाजी करताना दिसला.
यापूर्वी ऑगस्ट 2017 मध्ये श्रीलंकेविरुद्ध कोलंबोला झालेल्या वनडे सामन्यात विराटने अखेरच्यावेळी गोलंदाजी केली होती.
वनडे वर्ल्डकपबद्दल सांगायचे झाले, तर विराटने गोलंदाजी करण्याची ही चौथी वेळ होती.
विराटने यापूर्वी 2011 वर्ल्डकपमध्ये ऑस्ट्रेलिया आणि श्रीलंका संघाविरुद्ध गोलंदाजी केली होती, तर 2015 मध्ये त्याने ऑस्ट्रेलियाविरुद्ध गोलंदाजी केली होती.