एसीबी आणि किनारपट्टी साफसफाई घोटाळा

anti-corruption bureau and goa coastal zone
anti-corruption bureau and goa coastal zone

पणजी : राज्यातील समुद्रकिनारा स्वच्छता निविदेतील घोटाळा प्रकरण लाचलुचपत प्रतिबंधक विभागाकडे (एसीबी) चौकशीकडे देण्याची प्रक्रिया सुरू असल्याची माहिती पर्यटन खात्याने गोवा लोकायुक्तला सादर केलेल्या प्रतिज्ञापत्रात नमूद केले आहे.

गोवा लोकायुक्तने सरकारला पाठविलेल्या चौकशी अहवालात माजी पर्यटनमंत्री दिलीप परुळेकर यांचा या समुद्रकिनारा निविदा घोटाळा या प्रकरणाशी संबंध असल्याचे लोकायुक्त पी. के. मिश्रा यांनी नमूद केल होते व या प्रकरणाची चौकशी लाचलुचपत प्रतिबंधक विभाग या यंत्रणेमार्फत किंवा यामध्ये माजी मंत्र्याचा समावेश असल्याने ती सीबीआयकडे द्यावी अशी शिफारस केली होती. तसेच पर्यटन विभागाने ही निविदा जारी करण्यापूर्वी इतर कामाच्या निविदा जारी केल्या त्याचीही चौकशी एसीबीमार्फत केली जावी असे नमूद केले होते.

सामाजिक कार्यकर्ते इनासिओ डॉ मनिक परेरा यांनी कचरापेट्या खरेदीमध्ये तसेच साफसफाईच्या निविदेत मोठ्या प्रमाणात भ्रष्टाचार झाल्यची तक्रार गोवा लोकायुक्तकडे दाखल केली होती. प्राथमिक चौकशीअंती या निविदेप्रकरणी कटकारस्थान रचल्याचा निष्कर्ष अहवालात लोकायुक्तने नमूद केला होता. लोकायुक्तने केलेल्या शिफारशीनुसार ही चौकशी सीबआयकडे देण्यासंदर्भातही सरकार विचार करत आहे, सादर केलेल्या प्रतिज्ञापत्रात म्हटले आहे.

मेसर्स भूमिका क्लीन टेक सर्व्हिसेस प्रायव्हेट लिमिटेड आणि राम क्लीन्झर्स अ‍ॅण्ड डेव्हलपर्स या कंपन्यांना समुद्रकिनारा स्वच्छतेचा ठेका देण्यात आल्याने गोवा लोकायुक्तने त्याची स्वेच्छा दखल घेतली होती. त्यानंतर २०१६ मध्ये पर्यटन खात्याने दोन्ही कंपन्यांचा करार नूतनीकरण करण्यास नकार दिला होता. कारण हा ठेका देऊन दीड वर्ष उलटून गेले तरी कचऱ्याची विल्हेवाट योग्य पद्धतीने केली जात नव्हती. भविष्यकाळात या निविदांचे नुतनीकरण करू नयेत असे मत सरकारचे असल्याचे पर्यटक संचालकांनी सादर केलेल्या प्रतिज्ञापत्रात म्हटले आहे

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com