7th Pay Commission: सरकारी कर्मचारी आपला डीए वाढण्याची दीर्घकाळ वाट पाहत असतात. डीए वाढल्याने लोकांचा पगारही वाढतो. अशा परिस्थितीत लोक पगार वाढण्याची वाट पाहत असतात.
दरम्यान, देशातील एका राज्याने महागाई भत्त्यात (DA) वाढ लागू केली आहे. हे राज्य हिमाचल प्रदेश आहे. हिमाचल प्रदेश सरकारने राज्य सरकारचे कर्मचारी आणि माजी कर्मचाऱ्यांसाठी महागाई भत्त्यात (DA) वाढ लागू केली आहे.
राज्यात जुनी पेन्शन योजना पूर्ववत सुरु झाल्यानंतर हा निर्णय घेण्यात आला आहे. 15 एप्रिल रोजी हिमाचल दिनानिमित्त राज्यस्तरीय कार्यक्रमादरम्यान मुख्यमंत्री सुखविंदर सिंग सुक्खू यांनी डीए वाढीची घोषणा केली होती आणि यासंदर्भात राज्य सरकारने अधिसूचना देखील जारी केली आहे.
महागाई भत्ता वाढल्याने 2.15 लाख कर्मचारी आणि 90,000 सेवानिवृत्त कर्मचाऱ्यांसह 3 लाखांहून अधिक लोकांना फायदा होणार आहे.
यापूर्वी, हिमाचल प्रदेश (Himachal Pradesh) सरकारचे कर्मचारी आणि सेवानिवृत्त लोकांना 31 टक्के दराने महागाई भत्ता मिळत होता. पात्र कर्मचारी आणि पेन्शनधारकांना 34 टक्के वाढीव दराने लाभ मिळण्यास सुरुवात होईल.
त्यांनाही थकबाकीनुसार, भरपाई दिली जाईल. या निर्णयामुळे राज्याच्या तिजोरीवर 500 कोटी रुपयांचा बोजा वाढेल, असा अंदाज राज्य सरकारने व्यक्त केला आहे.
एप्रिल 2023 नंतर मिळालेला भत्ता रोखीने दिला जाईल, जानेवारी 2022 ते 31 मार्च 2023 पर्यंतची थकबाकी सामान्य भविष्य निर्वाह निधी खात्यात भरली जाईल, असेही राज्याच्या मुख्य सचिवांनी नोटीसमध्ये सांगितले आहे. 1 जानेवारी 2022 नंतर सेवानिवृत्त कर्मचाऱ्यांना (Employees) त्यांचा महागाई भत्ता रोख स्वरुपात मिळेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
