7th Pay Commission DA Arrears: तुमच्या घरात किंवा कुटुंबात सरकारी कर्मचारी असेल किंवा तुम्ही स्वतः सरकारी नोकरीत असाल तर ही बातमी तुमच्यासाठी महत्त्वाची आहे.
होय, सरकारने कर्मचाऱ्यांच्या हितासाठी असा निर्णय घेतला आहे की, तुम्हीही हा निर्णय ऐकून आनंदी व्हाल.
सरकारी कर्मचाऱ्यांची 18 महिन्यांची थकबाकी मिळावी, अशी अनेक दिवसांपासून मागणी आहे. सरकारने आता यास मंजूरी दिली आहे. या मंजूरीनंतर कर्मचाऱ्यांच्या खात्यात आठ हप्त्यांमध्ये हे पैसे येतील.
दरम्यान, सुमारे एक कोटी केंद्रीय कर्मचारी आणि पेन्शनधारकांसाठी मार्च 2023 मध्ये DA आणि DR जाहीर होण्याची अपेक्षा आहे. त्याची अंमलबजावणी 1 जानेवारीपासून होणार आहे.
दुसरीकडे, विविध राज्य सरकारांकडून कर्मचारी आणि पेन्शनधारकांसाठी डीए आणि डीआर देखील जाहीर केले जात आहेत. यातच आता डीए आणि डीआर बाबत तेलंगणा (Telangana) सरकारकडून मोठी घोषणा करण्यात आली आहे.
तेलंगणा सरकारने कर्मचारी (Employees) आणि पेन्शनधारकांच्या DA मध्ये 2.73% वाढ केली आहे. या वाढीनंतर कर्मचाऱ्यांचा डीए 17.29% वरुन 20.2% झाला आहे.
राज्याचे अर्थमंत्री हरीश राव यांनी सांगितले की, ही वाढ 1 जुलै 2021 पासून लागू केली जाईल. तसेच, हे पैसे कर्मचाऱ्यांच्या GPF खात्यात 8 हप्त्यांमध्ये जमा केले जातील.
31 मे 2023 रोजी निवृत्त होणाऱ्या कर्मचाऱ्यांनाच शासनाकडून मिळणाऱ्या डीएच्या थकबाकीचा लाभ दिला जाईल. अशा कर्मचार्‍यांना सेवेच्या शेवटच्या 4 महिन्यांत भविष्य निर्वाह निधी (GPF) मध्ये कोणतेही योगदान देण्यापासून सूट देण्यात आली आहे.
सरकारच्या या निर्णयाचा फायदा 4.4 लाख कर्मचारी आणि 2.28 लाख पेन्शनधारकांना होणार असल्याचे अर्थमंत्र्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
