8th Pay Commission Update: केंद्रीय कर्मचाऱ्यांसाठी मोठी बातमी, 8 वा वेतन आयोग होणार लागू!

8th Pay Commission latest Updates: केंद्रीय कर्मचाऱ्यांसाठी सातव्या वेतन आयोगाच्या शिफारशी देशभर लागू असून कर्मचाऱ्यांनाही त्याचा लाभ मिळत आहे.
Indian Money
Indian MoneyDainik Gomantak

8th Pay Commission latest Updates: केंद्रीय कर्मचाऱ्यांसाठी सातव्या वेतन आयोगाच्या शिफारशी देशभर लागू असून कर्मचाऱ्यांनाही त्याचा लाभ मिळत आहे. मात्र, त्यांना शिफारस केलेल्यापेक्षा कमी पगार मिळत असल्याची कर्मचाऱ्यांची तक्रार आहे. याबाबतचे निवेदन तयार करत असून ते लवकरच शासनाला सादर करण्यात येणार असल्याचे कर्मचारी संघटनांचे म्हणणे आहे. या निवेदनातील शिफारशींनुसार पगार वाढवण्याची किंवा 8 वा वेतन आयोग आणण्याची मागणी केली जाणार आहे. दुसरीकडे, सरकारने सभागृहात 8 वा वेतन रक्कम लागू करण्याच्या विषयावर अद्याप कोणतीही माहिती दिलेली नाही.

किमान वेतन 26 हजार रुपयांपर्यंत असू शकते

मिळालेल्या माहितीनुसार, केंद्रीय कर्मचाऱ्यांच्या (Employees) संघटनांचे म्हणणे आहे की, सध्या किमान वेतन मर्यादा 18 हजार रुपये ठेवण्यात आली आहे. यामध्ये फिटमेंट फॅक्टरला इन्क्रीमेंटमध्ये खूप महत्त्व देण्यात आले आहे. सध्या हा घटक 2.57 पट आहे, मात्र 7 व्या वेतन आयोगात तो 3.68 पट ठेवण्याची शिफारस करण्यात आली आहे. असे झाल्यास कर्मचाऱ्यांचे किमान वेतन 18 हजार रुपयांवरुन 26 हजार रुपये होईल.

Indian Money
7th Pay Commission: सरकारी कर्मचाऱ्यांचे बल्ले-बल्ले, सरकारने केली मोठी घोषणा

सरकार नवीन प्रणाली देखील सुरु करु शकते

सूत्रांनी दिलेल्या माहितीनुसार, आता 7 व्या वेतन आयोगानंतर नवीन वेतन आयोग येणार नाही. त्याऐवजी सरकार अशी यंत्रणा राबवणार आहे, ज्यामुळे सरकारी कर्मचाऱ्यांच्या पगारात आपोआप वाढ होईल. ही एक 'ऑटोमॅटिक पे रिविजन सिस्टम' असू शकते, ज्यामध्ये डीए 50 टक्क्यांपेक्षा जास्त असल्यास, पगारात ऑटोमॅटिक सुधारणा होईल. असे झाल्यास 68 लाख केंद्र सरकारचे कर्मचारी आणि 52 लाख पेन्शनधारकांना त्याचा थेट लाभ मिळेल. मात्र, सरकारने याबाबत अद्याप कोणताही अंतिम निर्णय घेतलेला नाही. याबाबत निर्णय घेतल्यानंतर सरकार (Government) अधिसूचना जारी करुन अधिकृत निर्णय जाहीर करेल.

कमी उत्पन्न गटासाठी पगार अधिक वाढू शकतो

या प्रकरणाशी संबंधित अर्थ मंत्रालयाच्या एका अधिकाऱ्याने दिलेल्या माहितीनुसार, महागाई (Inflation) पाहता मध्यम स्तरावरील कर्मचाऱ्यांचा पगार वाढला पाहिजे. अशा परिस्थितीत सरकारने 2023 मध्ये वेतनाचा नवा फॉर्म्युला आणला तर कमी उत्पन्न गटातील कर्मचाऱ्यांना चांगला लाभ मिळू शकतो. त्यांचा मूळ पगार 3 हजार ते 21 हजार रुपयांनी वाढू शकतो.

Indian Money
7th Pay Commission: केंद्रीय कर्मचाऱ्यांना मिळाली भेट! सरकारने केली ही मोठी घोषणा

युनियन सरकारला निवेदन देणार

सेंट्रल एम्प्लॉईज युनियनच्या एका अधिकाऱ्याने दिलेल्या माहितीनुसार, पगारवाढीच्या मागण्यांबाबत युनियन लवकरच एक नोट तयार करुन सरकारला सुपूर्द करणार आहे. सरकारने त्यांच्या मागण्या मान्य न केल्यास संघटनेला तीव्र आंदोलन करावे लागेल. या आंदोलनात कर्मचाऱ्यांसह पेन्शन मिळालेले कर्मचारीही सहभागी होऊ शकतात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com