नवी दिल्ली : आशिया आणि भारतातील दुसऱ्या क्रमांकाचे श्रीमंत व्यक्ती मुकेश अंबानी यांच्या रिलायन्स जिओ कंपनीमध्ये मोठा बदल झाला आहे. मुकेश अंबानी यांनी कंपनीच्या संचालकपदाचा राजीनामा दिला आहे. त्यांचा मोठा मुलगा आकाश अंबानी याला कंपनीच्या संचालक मंडळाचे अध्यक्ष बनवण्यात आले आहे. (Akash Ambani)
बाजार नियामक सेबी (SEBI) ला दिलेल्या माहितीत कंपनीने सांगितले की बोर्डाची बैठक 27 जून 2022 रोजी झाली होती. यामध्ये रिलायन्स जिओच्या बोर्डाने आकाश अंबानी यांच्या बोर्डाच्या अध्यक्षपदी नियुक्तीला मान्यता दिली. रिलायन्सच्या AGM (RIL AGM) आधी ही घोषणा करण्यात आली आहे.
पंकज मोहन पवार यांना पुढील पाच वर्षांसाठी व्यवस्थापकीय संचालक बनवण्यात आल्याचे कंपनीने म्हटले आहे. त्याचप्रमाणे रामिंदर सिंग गुजराल आणि के.व्ही. चौधरी यांना पाच वर्षांसाठी संचालक करण्यात आले आहे. मुकेश अंबानी यांनी 27 जून 2022 रोजी रिलायन्स जिओच्या संचालक पदाचा राजीनामा दिला आहे. रिलायन्स जिओचे नवे चेअरमन आकाश अंबानी याआधी कंपनीत नॉन-एक्झिक्युटिव्ह डायरेक्टर होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
