अ‍ॅमेझॉन वादाच्या भोवऱ्यात; दोन कर्मचाऱ्यांना दाखवला घरचा रस्ता

Amazon fired two of its employees illegally
Amazon fired two of its employees illegally

नवी दिल्ली: ई-कॉमर्स दिग्गज कंपनी अ‍ॅमेझॉन(Amazon) त्याच्या काही धोरणांमुळे वादाच्या भोवऱ्यात सापडलेली दिसते. कंपनीने आपल्या दोन कर्मचार्‍यांना बेकायदेशीररित्या काढून टाकल्याची घटना समोर आली आहे. यूएस नॅशनल लेबर बोर्डाच्या अहवालानुसार या दोन कर्मचार्‍यांनी कोरोना साथीच्या रोगाच्या काळात चांगली कामगिरी केल्याचे सांगितले आहे.

खरं तर, ऑनलाइन किरकोळ विक्रेत्याने गेल्या वर्षी एमिली कनिंघम आणि मरीन कोस्टा यांना नोकरीवरून काढून टाकले होते, ज्यांनी कंपनीवर भेदभावपूर्ण आणि धोरणात्मक अंमलबजावणी केल्याचा आरोप केला होता. ऑक्टोबरमध्ये दाखल करण्यात आलेल्या आरोपानुसार कंपनीने आपल्या कर्मचार्‍यांना “चिल अ‍ॅन्ड रेस्ट” अधिकारांचा वापर करण्यास मनाई केली होती. कर्मचार्‍यांनी हे प्रकरण सोडले नाही तर सिएटलमधील त्याचे क्षेत्रीय संचालक यासंबधी तक्रार देतील असे मंडळाने सोमवारी सांगितले.

कनिंघम आणि कोस्टा यांनी जवळपास एक वर्षापूर्वी म्हणजेच कोरोना साथीच्या काळात अ‍ॅमेझॉनच्या सेफ्टी प्रोटोकॉलवर प्रश्न उपस्थित केला होता. त्यांच्या म्हणण्यानुसार कोरोना साथीच्या वेळी कंपनीने आपल्या कर्मचाऱ्यांच्या सुरक्षेची काळजी घेतली नाही, एवढेच नव्हे तर त्यांच्याकडून अधिक कामही करून घेतले होते.(Amazon fired two of its employees illegally)

अ‍ॅमेझॉन म्हणाले की, "ते कामकाजाच्या परिस्थितीवर टीका करतात परंतु या कारणामुळे कर्मचार्‍यांना हटवले गेले नाही. आम्ही या कर्मचार्‍यांना कामाची परिस्थिती, सुरक्षितता किंवा स्थिरतेबद्दल सार्वजनिक ठीकाणी बोलू नये, यासाठी नाही तर अंतर्गत धोरणांचे वारंवार उल्लंघन केल्याने काढून टाकले आहे." परंतु अ‍ॅमेझॉनने अंद्याप त्या इंटरनल पॅालीसिबद्दल सांगितले नाही ज्यामुळे त्यांनी कनिंघम आणि कोस्टा यांना आपल्या नोकर्‍या गमावाव्या लागल्या.

कनिंघम आणि कोस्टा यांनी यावर तत्काळ भाष्य केले नाही. (UFCW) यूएफसीडब्ल्यू असोसिएशनचे आंतरराष्ट्रीय प्रमुख मार्क पेरॉन यांनी स्थानिक युनिटने शुल्क आकारण्यास मदत केली. मार्क पेरॉन यांनी एका निवेदनात म्हटले आहे की, "हे एक रिमांइंन्डर आहे की अ‍ॅमेझॉनने आपल्या कर्मचार्‍यांना शांत ठेवण्यासाठी स्वतः च कायदा मोडीत काढला."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com