Anil Ambani: कर्जबाजारी उद्योगपती अनिल अंबानी यांच्या कंपनीत एलआयसीचा पैसा बुडू शकतो. LIC चे रिलायन्स कॅपिटल (RCap) वर 3,400 कोटी रुपयांचे कर्ज आहे, त्यापैकी फक्त 782 कोटी रुपये मिळू शकतात. म्हणजे, उरलेली रक्कम बुडू शकते.
एलआयसीचे पैसे बुडणार!
मीडिया रिपोर्ट्सनुसार, एलआयसीने आरसीएपीमधील कर्ज विकण्यासाठी स्विस चॅलेंजचा अवलंब केला होता. स्ट्रेस्ड असेट फर्म ACRE SSG चे हे कर्ज खरेदी करु शकते, परंतु यासाठी LIC ला मोठी किंमत मोजावी लागेल. ACRE SSG ने LIC चे कर्ज 73% च्या सवलतीसह विकत घेण्याची ऑफर दिली आहे.
दुसरीकडे, स्विस चॅलेंज बिडिंगमध्ये, कोणीही असेटसाठी बोली लावू शकतो. त्याचे तपशील सार्वजनिक केले जातात, इतर लोक बोली लावतात. जर कोणत्याही पक्षाने जास्त बोली लावली तर मूळ कॉन्ट्रक्टरला तेवढ्याच रकमेची बोली लावण्याची संधी दिली जाते, ही बाब वेगळी आहे.
मूल्यांकनावर प्रश्न
ACRE SSG च्या ऑफरवर आधारित, रिलायन्स कॅपिटलचे मूल्य सुमारे 4,400 कोटी रुपये आहे. LIC आणि ACRE SSG हे दोघेही रिलायन्स कॅपिटलच्या कमिटी ऑफ क्रेडिटर्सचे सदस्य आहेत. एकीकडे ACRE कंपनीवर 1350 कोटी रुपयांचे कर्ज आहे.
20 वित्तीय सेवा कंपन्या
विशेष म्हणजे, रिलायन्स कॅपिटलमध्ये सुमारे 20 वित्तीय सेवा कंपन्या आहेत, ज्यात सिक्युरिटीज ब्रोकिंग, विमा आणि एआरसी यांचा समावेश आहे. RBI ने 30 नोव्हेंबर 2021 रोजी मोठ्या प्रमाणावर कर्ज बुडलेल्या रिलायन्स कॅपिटलचे बोर्ड बरखास्त केले होते आणि त्याविरुद्ध दिवाळखोरीची कार्यवाही सुरु केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
