Bank Privatisation Update: मोदी सरकारकडून देशभरातील अनेक बँकांचे खाजगीकरण केले जात आहे. सरकार यावर्षी आणखी एका सरकारी बँकेचे खाजगीकरण करणार आहे. यावर वेगाने काम सुरु आहे.
तुमचेही सरकारी बँकेत खाते असेल, तर कोणत्या बँकेचे खासगीकरण होणार आहे, हे आधी कळले पाहिजे. आज माहिती देताना दीपम सेक्रेटरी यांनी सांगितले की, IDBI बँकेच्या (IDBI Bank Privatization News) खाजगीकरणाची प्रक्रिया वेगाने सुरु आहे.
केंद्र सरकारने शुक्रवारी सांगितले की, आयडीबीआय बँकेच्या (IDBI Bank) निर्गुंतवणुकीची प्रक्रिया निर्धारित धोरणात्मक विक्री प्रक्रियेनुसार सुरु आहे. आयडीबीआयची निर्गुंतवणूक पुढे ढकलली जाऊ शकते असे सांगण्यात येत असल्याच्या मीडिया वृत्तांनाही त्यांनी फेटाळून लावले.
डिपार्टमेंट ऑफ इन्व्हेस्टमेंट अँड पब्लिक ॲसेट मॅनेजमेंट (DIPAM) ने सांगितले की, बँकेतील स्टेक सेल एक्स्प्रेशन ऑफ इंटरेस्ट (EoI) स्टेजच्या पलीकडे गेला आहे. दीपमचे सचिव तुहिन कांत पांडे यांनी ट्विट केले की, विविध EOI प्राप्त केल्यानंतर, व्यवहार आता विहित प्रक्रियेनुसार प्रगतीपथावर आहे.
आयडीबीआय बँकेतील सुमारे 61 टक्के स्टेक आणि एलआयसीच्या (LIC) धोरणात्मक विक्रीसाठी सरकारने जानेवारीमध्ये बोलीच्या अनेक प्रारंभिक फेऱ्या पार पाडल्या आहेत.
आयडीबीआय बँकेतील 30.48 टक्के सरकार आणि एलआयसीच्या 30.24 टक्के समभागांसह एकूण 60.72 टक्के समभागांच्या विक्रीसाठी गेल्या ऑक्टोबरमध्ये संभाव्य खरेदीदारांकडून निविदा मागवण्यात आल्या होत्या. सध्या या बँकेत सरकार आणि एलआयसी या दोघांचा मिळून 94.72 टक्के हिस्सा आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
