7th Pay Commission: सरकारी कर्मचाऱ्यांसाठी डबल धमाका, महागाई भत्त्यात 3% वाढ

7th Pay Commission​/ DA Hike: सरकारी कर्मचाऱ्यांसाठी एक आनंदाची बातमी आहे.
money
moneyDainik Gomantak

7th Pay Commission​/ DA Hike: सरकारी कर्मचाऱ्यांसाठी एक आनंदाची बातमी आहे. नवरात्रीपूर्वी सरकारने कर्मचाऱ्यांच्या महागाई भत्त्यात 3 टक्क्यांनी वाढ केली आहे. कर्मचारी अनेक दिवसांपासून महागाई भत्त्याची वाट पाहत होते, मात्र यावेळी सरकार किती टक्के महागाई भत्ता वाढवणार याचा निर्णय झालेला नाही.

सरकारने जाहीर केले

ओडिशा (Odisha) सरकारने सोमवारी राज्य सरकारी कर्मचाऱ्यांसाठी महागाई भत्त्यात वाढ करण्याची घोषणा केली आहे. ओडिशाचे मुख्यमंत्री नवीन पटनायक यांनी सोमवारी राज्य सरकारी कर्मचाऱ्यांच्या महागाई भत्त्यात वाढ करण्याच्या प्रस्तावाला मंजुरी दिली. सरकारने जारी केलेल्या नव्या अधिसूचनेनुसार, महागाई भत्त्यात 3 टक्के वाढ मंजूर करण्यात आली आहे.

money
7th Pay commission: केंद्रीय कर्मचाऱ्यांसाठी खुशखबर, महागाई भत्ता वाढण्याचा मार्ग मोकळा

सरकारी कर्मचाऱ्यांना थकबाकी मिळेल

नव्या घोषणेमध्ये सरकारने कर्मचाऱ्यांचा महागाई (Inflation) भत्ता सध्याच्या 31 टक्क्यांवरुन 34 टक्के करण्यात आल्याचे म्हटले आहे. वाढीव महागाई भत्ता 1 जानेवारी 2022 पासून लागू असल्याचे मानले जाईल. म्हणजेच यासह कर्मचाऱ्यांना 8 महिन्यांची थकबाकीही मिळणार आहे. ओडिशा सरकारच्या या निर्णयामुळे 4 लाख कर्मचारी आणि 3.5 लाख पेन्शनधारकांना फायदा होणार आहे. सरकारने एक अधिसूचना जारी करुन सांगितले की, जानेवारी ते ऑगस्ट महिन्यातील महागाई भत्त्याची थकबाकी कर्मचाऱ्यांना स्वतंत्रपणे दिली जाईल.

केंद्रीय कर्मचाऱ्यांच्या बरोबरीने डीए

केंद्रीय कर्मचाऱ्यांचा महागाई भत्ता देखील सध्या 34% आहे. म्हणजेच आता राज्य सरकारी कर्मचाऱ्यांनाही केंद्र सरकारच्या (Central Government) कर्मचाऱ्यांइतकाच महागाई भत्त्याचा लाभ मिळणार आहे.

money
7th Pay Commission: केंद्रीय कर्मचाऱ्यांच्या महागाई भत्त्यात लवकरच होणार वाढ

डीए वाढीच्या प्रतीक्षेत केंद्रीय कर्मचारी

या महिन्याच्या अखेरीस केंद्रीय कर्मचार्‍यांच्या महागाई भत्त्यात वाढ करण्याची घोषणा केली जाऊ शकते. वास्तविक कर्मचाऱ्यांचा महागाई भत्ता AICPI च्या डेटावर अवलंबून असतो. AICPI च्या आकडेवारीच्या आधारे केंद्रीय कर्मचाऱ्यांच्या महागाई भत्त्यात वाढ करण्याचा निर्णय घेण्यात आला आहे. मात्र अद्याप त्याची घोषणा झालेली नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com