Delhi High Court चा हॉटेल उद्योगाला दिलासा, 'ग्राहकांकडून सेवा शुल्क घेऊ नका'

Service Charge New Update: दिल्ली उच्च न्यायालयाने हॉटेल आणि रेस्टॉरंट उद्योगाला मोठा दिलासा दिला आहे. उच्च न्यायालयाने राष्ट्रीय ग्राहक संरक्षण प्राधिकरणाच्या (CCPA) मार्गदर्शक तत्त्वांना स्थगिती दिली आहे. ग्राहकांकडून सेवा शुल्क घेऊ नका, असे न्यायालयाने म्हटले आहे. न्यायालयाने पुढे सांगितले की, या मुद्द्यावर अधिक विचार करणे आवश्यक असून पुढील सुनावणीच्या तारखेपर्यंत राष्ट्रीय ग्राहक संरक्षण प्राधिकरणा (CCPA) चे आदेश लागू असल्याचे मानले जाणार नाही.

पुढील सुनावणी 25 नोव्हेंबरला

काही अटीसंह सर्व्हिस चार्ज न घेण्याच्या आदेशाला कोर्टाने (Court) स्थगिती दिली आहे. परंतु टेकवे ऑर्डरवर सेवा शुल्क आकारले जाऊ शकत नाही, असेही स्पष्ट करण्यात आले आहे. या मुद्द्यावर पुढील सुनावणी 25 नोव्हेंबर 2022 रोजी होणार आहे.

मार्गदर्शक तत्त्वे जारी केली

वाढत्या तक्रारींदरम्यान, CCPA ने ग्राहक हक्कांचे उल्लंघन रोखण्यासाठी मार्गदर्शक तत्त्वे जारी केली होती. त्यात म्हटले आहे की, कोणतेही हॉटेल (Hotel) किंवा रेस्टॉरंट (Restaurant) ग्राहकांना सेवा शुल्क भरण्यास भाग पाडू शकत नाही. ग्राहक इच्छित असल्यास सेवा शुल्क भरु शकतो.