EPFOचा 6 कोटी खातेदारांसाठी अलर्ट, होऊ शकते मोठी फसवणूक

कर्मचारी भविष्य निधी संघटनेने (EPFO) आपल्या 6 कोटी खातेदारांसाठी अलर्ट जारी केला आहे. पीएफ (PF) खातेधारकांना वैयक्तिक माहिती आणि कोणत्याही प्रकारचे अॅप डाउनलोड करण्याबाबत सतर्क करण्यात आले आहे. ईपीएफओने ट्विटरवर (Twitter) ही माहिती दिली आहे. भविष्य निधि (PF) काम करणाऱ्या कोणत्याही व्यक्तीसाठी खूप महत्वाची आहे कारण ती निवृत्तीनंतर आर्थिक सुरक्षा प्रदान करते.(EPFO's alert for 6 crore account holders for online fraud)

पीएफ रक्कम पगारदार लोकांना त्यांच्या सेवा दरम्यान लाभ देखील देते. म्हणूनच, तुम्हाला तुमच्या पीएफ पैशाबद्दल नेहमी अपडेट असणे आवश्यक आहे. EPFO ​​वेळोवेळी आपल्या ग्राहकांना अलर्ट जारी करत राहते. हे आपल्या ट्विटर हँडल आणि एसएमएसद्वारे ग्राहकांना अलर्ट पाठवत राहते.

EPFO ने काय म्हटले?

ईपीएफओने आपल्या ग्राहकांना बनावट कॉलच्या विरोधात चेतावणी दिली आहे. ईपीएफओने आपल्या ट्विटमध्ये म्हटले आहे की, ईपीएफओ कधीही त्याच्या खातेधारकांकडून फोन कॉलवर यूएएन नंबर, आधार क्रमांक, पॅन किंवा बँक खाते विचारत नाही आणि ईपीएफओ आपल्या खातेधारकांना फोन कॉल देखील करत नाही.

बनावट संकेतस्थळांपासून सावध राहण्याचा इशारा

म्हणूनच, तुम्हाला अशा बनावट इनकमिंग कॉल टाळण्याची गरज आहे कारण ते हॅकर्सना तुमच्या ईपीएफ खात्यात लॉग इन करण्यास आणि त्याच्या सुरक्षिततेशी तडजोड करण्यास मदत करू शकतात. ईपीएफओने आपल्या ग्राहकांना बनावट वेबसाईट टाळण्याचाही इशारा दिला आहे.

जर तुम्ही ईपीएफओच्या अलर्टकडे लक्ष दिले नाही तर तुम्हाला त्यासाठी मोठी किंमत मोजावी लागेल आणि तुमच्यासोबत फसवणूक होण्याची शक्यता असू शकते.