Go First कंपनीच्या विमानात बिघाड, दिल्लीहून गुवाहाटीला जाणाऱ्या फ्लाईटची जयपूरला लॅंडींग

दिल्लीहून गुवाहाटीला जाणाऱ्या गो फर्स्टच्या विमानाच्या विंडशील्डमध्ये तडा गेल्याने विमान जयपूरकडे वळवण्यात आले.
Go First Flight
Go First FlightANI

Go First Flight: गो फर्स्ट कंपनीच्या विमानात बिघाड झाला आहे. दिल्लीहून गुवाहाटीला जाणाऱ्या विमानाच्या विंडशील्डला मध्यभागी तडा गेल्याची माहिती मिळत आहे. यानंतर विमान जयपूरकडे वळवण्यात आले. डीजीसीएच्या अधिकाऱ्याने ही माहिती दिली आहे. अधिकाऱ्यांनी दिलेल्या माहितीनुसार, गो फर्स्ट फ्लाइट जी8-151 ची विंडशील्ड तुटल्याने हा बिघाड झाला आहे.

विमानाने दिल्लीहून रात्री 12:40 वाजता उड्डाण केले, परंतु काही वेळातच वैमानिकांना बिघाड झाल्याची माहिती मिळाली. विंडशील्डला तडे गेल्याने विमानाला परत दिल्लीला नेण्यात आले पण दिल्लीतील खराब हवामानामुळे ते उतरू शकले नाही. दुपारी 2.55 वाजता विमान गुवाहाटी येथे उतरणार होते. आता जयपूर विमानतळावर सुखरूप उतरवण्यात आले आहे.

याआधी मंगळवारी गो फर्स्टच्या मुंबई-लेह आणि श्रीनगर-दिल्ली या दोन्ही फ्लाइटच्या इंजिनमध्ये बिघाड झाल्यामुळे या विमानांचे उड्डाण थांबवण्यात आले. डीजीसीए या दोन्ही घटनांची चौकशी करत असून नियामकाकडून मंजुरी मिळाल्यानंतरच 'प्रॅट अँड व्हिटनी इंजिन' असलेली ही A320neo विमाने उड्डाण करू शकतील.

Go First Flight
इंडिगो विमानाचे पाकिस्तानात एमर्जन्सी लँडिंग

अधिकाऱ्यांनी दिलेल्या माहितीनुसार, इंजिन क्रमांक 2 मध्ये बिघाड झाल्यामुळे गो फर्स्टचे मुंबई-लेह विमान मध्यमार्गे दिल्लीच्या दिशेने वळवण्यात आले. कंपनीच्या श्रीनगर-दिल्ली फ्लाइटच्या इंजिन क्रमांक दोनमध्येही मिड-एअर फॉल्ट आढळून आला, त्यानंतर त्याला श्रीनगरला परत जाण्याचे निर्देश देण्यात आले.

गेल्या एका महिन्यात भारतीय विमान कंपन्यांच्या उड्डाणांमध्ये तांत्रिक बिघाडाची अनेक प्रकरणे समोर आली आहेत. गेल्या काही दिवसांत नागरी उड्डाण मंत्री ज्योतिरादित्य सिंधिया यांनी सुरक्षित हवाई प्रवास सुनिश्चित करण्याच्या मुद्द्यावर विमान कंपन्या, त्यांच्या मंत्रालयाचे अधिकारी आणि DGCA अधिकाऱ्यांसोबत अनेक बैठका घेतल्या आहेत.

तत्पूर्वी, 17 जुलै रोजी, इंडिगोचे शारजाह-हैदराबाद उड्डाण कराचीला वळवण्यात आले होते. त्याच वेळी, 16 जुलैच्या रात्री, एअर इंडिया एक्स्प्रेसचे कालिकत-दुबई फ्लाइट मस्कट'च्या दिशेने वळवण्यात आले होते, त्यानंतर केबिनमध्ये जळण्याचा वास येत होता. 15 जुलै रोजी एअर इंडिया एक्स्प्रेसच्या बहारीन-कोची फ्लाइटच्या कॉकपिटमध्ये एक जिवंत पक्षी सापडला होता.

Go First Flight
SpiceJetच्या विरोधात दिल्ली हायकोर्टात याचिका दाखल, विमानसेवा थांबवण्याची मागणी

दुसरीकडे, स्पाइसजेटची सध्या चौकशी सुरू आहे. 19 जून ते 6 जुलै दरम्यान कंपनीच्या विमानात तांत्रिक बिघाड झाल्याच्या किमान आठ घटना समोर आल्यानंतर डीजीसीएने स्पाईसजेटला कारणे दाखवा नोटीस बजावली होती. डीजीसीए सध्या या सर्व घटनांची चौकशी करत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com