गौतम अदानींची मोठी डील: फ्रेंच ऊर्जा कंपनी करणार अदानी समूहात गुंतवणूक

फ्रेंच ऊर्जा क्षेत्रातील दिग्गज टोटल एनर्जी अदानी समूहाच्या ग्रीन हायड्रोजन इंडस्ट्रीजमधील 25 टक्के भागभांडवल विकत घेणार आहे.
गौतम अदानींची मोठी डील: फ्रेंच ऊर्जा कंपनी करणार अदानी समूहात गुंतवणूक
Gautam AdaniDainik Gomantak

फ्रेंच ऊर्जा क्षेत्रातील दिग्गज टोटल एनर्जी अदानी समूहाच्या ग्रीन हायड्रोजन इंडस्ट्रीजमधील 25 टक्के भागभांडवल विकत घेणार आहे. कंपनीने मंगळवारी ही माहिती दिली. अदानी समूहाने एका निवेदनात म्हटले आहे की, जगातील सर्वात मोठ्या ग्रीन हायड्रोजन इकोसिस्टमची संयुक्तपणे उभारणी करण्यासाठी फ्रेंच कंपनीसोबत नवीन भागीदारी केली आहे. "या धोरणात्मक करारामध्ये, Total Energy अदानी एंटरप्रायझेस लिमिटेड (AEL) कडून अदानी न्यू इंडस्ट्रीज लिमिटेड (ANIL) मधील 25 टक्के भागभांडवल विकत घेईल," असे निवेदनात म्हटले आहे. या डीलची बातमी येताच अदानी एंटरप्रायझेसच्या शेअर्समध्ये जबरदस्त वाढ झाली आहे. BSE वर कंपनीचे शेअर्स 5.43% वाढून 2194.40 रुपयांवर पोहोचले. (france total to buy 25 percent stake in adani new industries ltd check details)

अदानी समूहाचे लक्ष्य काय आहे

अदानी न्यू इंडस्ट्रीज लिमिटेडचे पुढील 10 वर्षांत ग्रीन हायड्रोजन आणि त्याच्याशी संबंधित इकोसिस्टममध्ये USD 50 बिलियनपेक्षा जास्त गुंतवणूक करण्याचे उद्दिष्ट आहे. सुरुवातीच्या टप्प्यात, ANIL 2030 पूर्वी दरवर्षी 1 दशलक्ष टन ग्रीन हायड्रोजन उत्पादन क्षमता विकसित करेल. ANIL मधील या गुंतवणुकीमुळे, अदानी समूह आणि TotalEnergies यांच्यातील धोरणात्मक भागीदारीमध्ये आता LNG टर्मिनल्स, गॅस युटिलिटी व्यवसाय आणि ग्रीन हायड्रोजन उत्पादन यांचा समावेश आहे.

Gautam Adani
गौतम अदानी करणार हेल्थकेअर क्षेत्रात एन्ट्री, ही कंपनी विकत घेण्यासाठी लावणार बोली

काय म्हणाले गौतम अदानी?

गौतम अदानी (Gautam Adani) म्हणाले, "जगातील सर्वात मोठा ग्रीन हायड्रोजन प्लेयर बनण्याच्या आमच्या प्रवासात, टोटल एनर्जीसोबतची भागीदारी अनेक आयामांना जोडते. R&D, बाजारपेठेतील प्रवेश आणि अंतिम ग्राहकाची समज यांचा समावेश आहे."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com