सोन्याच्या भावात सलग तिसऱ्या दिवशीही मोठी घसरण

डॉलरच्या (US Dollar) तुलनेत रुपयाच्या वाढीदरम्यानच बुधवारी पुन्हा एकदा देशांतर्गत बाजारात सोने (Gold) आणि चांदीच्या (Silver) किमती मोठ्या प्रमाणात कमी झाल्या आहेत .MCX वर सोन्याचा भाव सलग तिसऱ्या दिवशी घसरून 47,095 रुपये प्रति 10 ग्रॅम इतका झाला आहे (Gold Prices). तर दुसरीकडे चांदी 0.33 टक्क्यांनी घसरून 63,156 रुपये किलो झाले आहे. या महिन्यात सोन्याच्या किमतीत सारखेच चढ -उतार होत आहेत (Gold Market). काहीदिवसांपूर्वीतर सोन्याने 45,600 रुपयांची चार महिन्यांची नीचांकी पातळी गाठली होती.(Gold prices fallen down on third day)

पिवळी धातू अजूनही गेल्या वर्षीच्या उच्चांकापासून 9105 रुपयांनी खाली आहे (56,200 रुपये प्रति 10 ग्रॅम). आपल्या अलीकडील तेजीला सुरू ठेवत, रुपया मंगळवारी 29 पैशांनी वाढून अमेरिकन डॉलरच्या तुलनेत 73 च्या जवळजवळ 12-आठवड्याच्या उच्चांकावर बंद झाला. भारतातील सोन्याच्या किमतींमध्ये 10.75 टक्के आयात शुल्क आणि तीन टक्के जीएसटी समाविष्ट आहे.

जागतिक बाजारात आज सोने स्थिर राहिले. स्पॉट सोन्याची किंमत 1,813.93 डॉलर प्रति इतकी होती. तर मौल्यवान धातूंपैकी चांदीचा भाव 23.88 डॉलर प्रति इतका होता. दुसरीकडे, प्लॅटिनम 0.3 टक्क्यांनी वाढून 1015.49 डॉलरवर होते. डेल्टा व्हेरिएंटचा धोका लक्षात घेता व्यापारी आणि गुंतवणूकदार मोठ्या सावध आहेत.असमान जागतिक आर्थिक सुधारणा आणि डॉलरच्या तुलनेत रुपयामधील अस्थिरता मौल्यवान धातूच्या किंमतीवर परिणाम करते. महागाई आणि चलन घसरणीच्या विरोधात सोन्याकडे पाहिले जाते.

तर दुसरीकडे जगातील सर्वात मोठा गोल्ड-बॅक्ड एक्सचेंज ट्रेडेड फंड किंवा गोल्ड ईटीएफ, एसपीडीआर गोल्ड ट्रस्टची होल्डिंग्स 1,000.26 टनच्या चार महिन्यांच्या नीचांकी पातळीवर आली आहे . गोल्ड ईटीएफ सोन्याच्या किंमतीवर आधारित असतात. पिवळ्या धातूच्या किंमतीतील चढउतारांवरही त्याची किंमत चढ -उतार असते. हे लक्षात घेतले पाहिजे की ईटीएफचा प्रवाह सोन्यातील गुंतवणूकदारांच्या कमकुवत स्वारस्याला प्रतिबिंबित करतो. एक मजबूत डॉलर इतर चलनांच्या धारकांसाठी सोने अधिक महाग करते.