देशात इलेक्ट्रिक वाहनांच्या संख्येत झपाट्याने वाढ होत आहे. गेल्या काही वर्षांत, अनेक वाहन उत्पादक इलेक्ट्रिक वाहनांच्या (Electric Vehicle) निर्मिती आणि विक्रीमध्ये मोठी गुंतवणूक करत आहेत. कंपन्या भारताकडे इलेक्ट्रिक वाहनांची सर्वात मोठी बाजारपेठ म्हणून पाहत आहेत. स्वच्छ पर्यावरणाच्या दृष्टीकोणातून सरकार इलेक्ट्रिक वाहनांनाही प्रोत्साहन देत आहे. भविष्याचा विचार करून रस्ते आणि वाहतूक मंत्रालयाने सौरऊर्जेवर चालणारे विद्युत महामार्ग विकसित करण्यास सुरुवात केली आहे.
केंद्रीय रस्ते आणि वाहतूक आणि महामार्ग मंत्री नितीन गडकरी (Nitin Gadkari) इलेक्ट्रिक वाहनांच्या वापराला प्रोत्साहन देत आहेत. 12 सप्टेंबर रोजी रस्ते वाहतूक आणि महामार्ग प्रकल्पांवर बोलताना नितीन गडकरी म्हणाले, आज भारत इलेक्ट्रिक दुचाकी, तीन चाकी आणि कारसाठी सर्वात मोठी इलेक्ट्रिक वाहन बाजारपेठ बनत चालली आहे. हे लक्षात घेऊन मंत्रालय जलद चार्जिंगसाठी पायाभूत सुविधा विकसित करण्यावर काम करत आहे.
गडकरी पुढे म्हणाले, इलेक्ट्रिक वाहनांच्या गतिशीलतेसाठी सरकार सौर आणि पवन ऊर्जा आधारित चार्जिंग पायाभूत सुविधांना जोरदार प्रोत्साहन देत आहे. आम्ही सौरऊर्जेवर चालणाऱ्या विद्युत महामार्गाच्या विकासावरही काम करत आहोत. यामुळे प्रवासादरम्यान हेवी ड्युटी ट्रक आणि बसेस चार्ज करणे सुलभ होईल.
पेट्रोलच्या दरात सातत्याने वाढ होत असल्याने सर्वसामान्यांमध्येही इलेक्ट्रिक वाहनांची मागणी वाढली आहे. देशात, टाटा, महिंद्रा, ह्युंदाई, ओला, एथर एनर्जी, सार ग्रुप, मुरुगप्पा ग्रुप यासह अनेक वाहन उत्पादक दुचाकी, चारचाकी, तीन चाकी या विभागात कार, रिक्षा, ऑटो, बस आणि ट्रक बनवत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
