HDFC Bank: आजच्या काळात लोकांना त्यांच्या गरजा पूर्ण करण्यासाठी कर्ज घ्यावे लागते. कर्जाद्वारे, लोक त्यांच्या गरजा लवकर पूर्ण करु शकतात. मात्र, आता नवीन वर्षाच्या सुरुवातीलाच कर्जदारांना मोठा धक्का बसला आहे.
खरे तर काही बँकांनी नवीन वर्षाच्या सुरुवातीलाच कर्जावरील व्याजदरात वाढ केली आहे. यामुळे लोकांना कर्ज घेताना जास्त व्याज द्यावे लागेल, ज्यामुळे त्यांच्यावर बोजा वाढू शकतो. दुसरीकडे, ज्या बँकांनी कर्जावरील व्याजदरात वाढ केली आहे त्यात एचडीएफसी बँकेचाही समावेश आहे.
एचडीएफसी बँक (HDFC Bank) आणि इंडिया ओव्हरसीज बँकेने कर्जावरील व्याजदरात वाढ केली आहे. HDFC बँक आणि इंडिया ओव्हरसीज बँकेने सोमवारी त्यांच्या व्याजदरात किरकोळ कर्जाच्या किमतीत (MCLR) 0.25 टक्क्यांपर्यंत वाढ केली आहे. यामुळे व्याजदर (Interest Rate) वाढले आहेत.
आता HDFC चे नवीन दर 7 जानेवारीपासून आणि IOB चे 10 जानेवारीपासून लागू होतील. HDFC बँकेच्या वेबसाइटनुसार, एक दिवसाचा MCLR दर 8.30 टक्क्यांवरुन 8.50 टक्क्यांपर्यंत वाढवण्यात आला आहे, तर एक महिन्याचा MCLR पूर्वी 8.30 टक्क्यांवरुन 8.55 टक्के करण्यात आला आहे. त्याचवेळी, एक वर्षाचा MCLR 0.25 टक्क्यांनी वाढवून 8.85 टक्के करण्यात आला आहे, जो पूर्वी 8.60 टक्के होता.
दोन वर्षांचा MCLR 8.70 टक्क्यांवरुन 8.95 टक्क्यांपर्यंत वाढेल, तीन वर्षांचा MCLR आता 8.80 टक्क्यांवरुन 9.05 टक्क्यांपर्यंत वाढेल. याशिवाय, IOB ने विविध कालावधीसाठी MCLR दर देखील वाढवले आहेत. बँकेने सांगितले की, आमचे दर 7.70 टक्क्यांवरुन आता 8.45 टक्क्यांवर पोहोचले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
