Electricity Bill: होळीनंतर वीज महागणार, 'या' राज्यातील जनतेला बसणार मोठा धक्का!

Holi 2023: पेट्रोल आणि डिझेलच्या महागाईनंतर आता विजेचे दरही वाढवण्याची तयारी सुरु आहे. होळीनंतर झारखंडमधील लोकांना विजेचे झटके बसू शकतात.
Electricity Bill
Electricity BillDainik Gomantak

Holi 2023: पेट्रोल आणि डिझेलच्या महागाईनंतर आता विजेचे दरही वाढवण्याची तयारी सुरु आहे. होळीनंतर झारखंडमधील लोकांना विजेचे झटके बसू शकतात.

राज्यात विजेचे दर वाढवण्याची तयारी सुरु आहे. झारखंड बिजली वितरण निगम लिमिटेडने राज्य वीज नियामक आयोगासमोर विजेच्या दरात 20% पर्यंत वाढ करण्याचा प्रस्ताव सादर केला आहे.

आयोगाने या प्रस्तावाचा अभ्यास केला असून या महिन्याच्या अखेरीस विविध विभागात जनसुनावणी आयोजित केली जाणार आहे.

आयोग नवीन दर निश्चित करेल

जनसुनावणीची प्रक्रिया पूर्ण झाल्यानंतर आयोग नवीन दर निश्चित करेल. अधिकृत सूत्रांनी दिलेल्या माहितीनुसार, नवीन दर येत्या एप्रिल महिन्यापासून लागू होतील.

झारखंड (Jharkhand) बिजली वितरण निगम लिमिटेडने नवीन दरांबाबत दिलेला प्रस्ताव 2023-24 या वर्षासाठीचा आहे. बिजली वितरण निगमने 7400 कोटी रुपयांचा तोटा दाखवला असून हा तोटा भरुन काढण्यासाठी विजेचे दर वाढवण्याची गरज आहे.

2023-2024 या आर्थिक वर्षासाठी राज्य वीज नियामक आयोगाकडे वार्षिक महसूल अहवाल (ARR) दाखल करण्यात आला आहे.

Electricity Bill
PM Kisan च्या 13व्या हप्त्याचे पैसे आले नाहीत तर 'हे' काम ताबडतोब करा, अन्यथा...

तीन वर्षांपासून विजेचे दर वाढलेले नाहीत

त्यानुसार महामंडळाला 2020-2021 मध्ये 2200 कोटी, 2021-2022 मध्ये 2600 कोटी आणि 2022-2023 मध्ये 2500 कोटींचे नुकसान झाल्याचे सांगण्यात आले आहे.

गेल्या तीन वर्षांपासून विजेचे दर वाढवलेले नसल्यामुळे तुटीचे प्रमाण वाढत असल्याचा युक्तिवादही महामंडळाने केला आहे.

कोरोनाच्या काळात सरकारने (Government) कोणतीही वाढ केलेली नाही. वीज नियामक आयोगात अध्यक्ष आणि दोन्ही सदस्यांची पदे रिक्त असल्याने वीज दरात फेरबदलाचा विचार होऊ शकला नाही.

Electricity Bill
PM kisan Yojana: शेतकऱ्यासांठी गुडन्युज! कोट्यावधी शेतकऱ्यांना पीएम किसानचा तेरावा हप्ता मिळणार आजच

JBVNL च्या वतीने आयोगासमोर दाखल करण्यात आलेल्या टॅरिफ याचिकेत, खर्चासाठी 9000 कोटींची संभाव्य गरज सांगितली आहे.

असे सांगण्यात येत आहे की, नवीन वीज दर निश्चित करण्यापूर्वी लवकरच आयोग विविध विभागांमध्ये जनसुनावणी घेईल आणि सामान्य जनता, उद्योजक, जेबीव्हीएनएल आणि इतर क्षेत्रातील लोकांचे मत घेईल आणि त्यानंतर अंतिम दरांवर शिक्कामोर्तब करेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com