ह्युंडाई लवकरच घेऊन येणार कमी किमतीची नवी 'मायक्रो SUV'

दैनिक गोमंतक
मंगळवार, 4 मे 2021

कंपनीच्या या आगामी मायक्रो एसयूव्हीचे कोडनेम एक्स 1 केले गेले आहे.

दक्षिण कोरियाची वाहन निर्माता कंपनी ह्युंडाई बऱ्याच काळापासून भारतीय बाजारात आपल्या नवीन मायक्रो एसयूव्हीची चाचणी घेत आहे. कंपनीच्या या आगामी मायक्रो एसयूव्हीचे कोडनेम एक्स 1 केले गेले आहे. पुन्हा एकदा ही एसयूव्ही चाचणी दरम्यान निदर्शनास आली आहे आणि यावेळी या एसयूव्हीशी संबंधित आणखी काही माहिती समोर आली आहे. (Hyundai will soon bring a new low cost micro SUV)

खुशखबर! नव्या आर्थिक वर्षात जीएसटीचं विक्रमी कलेक्शन

नुकतीच या एसयूव्हीची (SUV) टीझर इमेजही रिलीज करण्यात आला असून, त्यात हेडलाईट आणि टेललाईट दिसता आहेत. त्यामध्ये स्प्लिट लाइटिंग आहे. परिपत्रक प्रोजेक्टरसह एलईडी डे टाइम रनिंग लाइट्स गाडीच्या समोरच्या भागाला आकर्षक बनवतात. गाडीच्या टेललाइटला त्रिकोणी आकार देण्यात आला आहे.

कंपनीने 2018 मध्ये या मायक्रो एसयूव्हीच्या निर्मितीची घोषणा केली होती, आणि तेव्हापासून ते वेगवेगळ्या टप्प्यांवर चाचणी करताना दिसत आहे. या मायक्रो एसयूव्ही कारची लांबी सुमारे 7.7 ते 8 मीटर इतकी आहे जी  ह्युंडाई व्हेन्यू पेक्षा कमी आहे. आकारात लहान असूनही, या मायक्रो एसयूव्हीमध्ये (Micro SUV) ऍडव्हान्स फीचर्स आणि तंत्रज्ञान समाविष्ट केले जाणार आहे. 

मायक्रो एसयूव्हीच्या तपशीलांविषयी अधिकृतपणे कोणतीही माहिती मिळालेली नसली तरी, ह्युंडाईच्या K1 प्लॅटफॉर्मवर तयार केल्याचे समजते आहे. ही मायक्रो एसयूव्ही दोन वेगवेगळ्या पेट्रोल (Petrol) इंजिन पर्यायांसह बाजारात बाजारात येऊ शकते. एका व्हेरिएंटमध्ये कंपनी 1.2 लिटरचे पेट्रोल इंजिन आणि इतर प्रकारांमध्ये 1.1 लिटर इंजिन वापरू शकते. 

कंपनीकडून अंदाजे 5 लाख रुपयांपासून ही मायक्रो एसयूव्ही बाजारात येईल असे  सांगण्यात येत आहे. या व्हॅरिएंट टाटा मोटर्स लवकरच आपले नवीन टाटा एचबीएक्सदेखील बाजारात आणणार आहे, जी मागील ऑटो एक्सपोमध्ये सादर करण्यात आली होती.

संबंधित बातम्या