Income Tax Return: केंद्रीय अर्थसंकल्प 2023 काही दिवसांत सादर होणार आहे. लोक या अर्थसंकल्पाची आतुरतेने वाट पाहत आहेत आणि या अर्थसंकल्पात अनेक महत्त्वाच्या घोषणा केल्या जातील, अशीही आशा या लोकांना आहे. दुसरीकडे, मोदी सरकारने गेल्या अर्थसंकल्पात अनेक महत्त्वाच्या घोषणा केल्या होत्या, त्या घोषणांच्या पुढील प्रगतीची माहिती सरकारने दिली आहे. याअंतर्गत अनेकांना करात सवलतही देण्यात आली आहे.
वास्तविक, 2021-22 च्या अर्थसंकल्पात (Budget) कर आणि NRI बाबत काही तरतुदी करण्यात आल्या होत्या, यामध्ये NRI ला दिलासाही देण्यात आला होता. याबाबत माहिती देताना पीआयबीच्या वतीने एक ट्विटही करण्यात आले असून पुढील प्रगतीबाबत माहिती देण्यात आली आहे.
PIB in Uttar Pradesh च्या वतीने ट्विट करुन सांगण्यात आले आहे की, 'अनिवासी भारतीयांना कर सवलत! आयकर कायदा, 1961 चे कलम 89A NRI करदात्यांना त्यांच्या सेवानिवृत्ती लाभ खात्यांमधून मिळणाऱ्या उत्पन्नाच्या संदर्भात दिलासा देते. नियम 21AAA अधिसूचित. कॅनडा (Canada), युनायटेड किंगडम आणि युनायटेड स्टेट्स हे अधिसूचित देश आहेत. हे ट्विट इन्कम टॅक्स इंडियाच्या माध्यमातूनही रिट्विट करण्यात आले आहे.
अनिवासी भारतीयांना दिलासा देण्याबरोबरच ज्येष्ठ नागरिकांनाही दिलासा देण्यात आला आहे. दुसर्‍या ट्विटमध्ये माहिती देताना PIB in Uttar Pradesh म्हटले की, 'ज्येष्ठ नागरिकांना दिलासा! आयकर कायदा, 1961 मध्ये कलम 194P समाविष्ट करण्यात आले होते, जे 75 वर्षांपेक्षा जास्त वयाच्या ज्येष्ठ नागरिकांना ITR भरण्यापासून सूट देते, ज्यांच्याकडे फक्त निवृत्तीवेतन आणि व्याज मिळवलेले उत्पन्न आहे. नियुक्त बँका आणि संबंधित फॉर्म अधिसूचित.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
