Income Tax Slab: इनकम टॅक्स लिमिट वाढणार, अडीच लाखांवरुन 3 लाखांपर्यंत...

Income Tax Slab: आयकर भरणाऱ्यांसाठी एक मोठी बातमी आहे. तुम्ही जर करदाते असाल तर तुमच्यासाठी एक आनंदाची बातमी आहे.
Nirmala Sitharaman
Nirmala SitharamanDainik Gomantak

Income Tax Slab: आयकर भरणाऱ्यांसाठी एक मोठी बातमी आहे. तुम्ही जर करदाते असाल तर तुमच्यासाठी एक आनंदाची बातमी आहे. अर्थसंकल्प मांडण्यास काही दिवस उरले आहेत. दरम्यान, बातम्या येत आहेत की, सरकार केंद्रीय अर्थसंकल्प 2023 मध्ये करमुक्त मर्यादा वाढवू शकते.

सध्या 2.5 लाख रुपयांपर्यंतचे उत्पन्न करमुक्त आहे, मात्र ते 3 लाखांपर्यंत वाढवता येऊ शकते. अर्थमंत्री निर्मला सीतारामन सामान्य जनता ते मध्यमवर्गाला मोठी भेट देऊ शकतात.

करमुक्त मर्यादा 3 लाख असू शकते

मिळालेल्या माहितीनुसार, यावेळी करदात्यांसाठी दिलासा देणाऱ्या घोषणा या बजेटमध्ये होऊ शकतात. परंतु सर्वात मोठा दिलासा म्हणजे, यावेळी सरकार (Government) करमुक्त मर्यादा वाढवू शकते. सरकार करमर्यादा 2.5 लाखांवरुन 3 लाखांपर्यंत वाढवू शकते, याचा अर्थ तुम्हाला पूर्वीपेक्षा कमी कर भरावा लागेल.

Nirmala Sitharaman
Income Tax: दरमहा 87,500 रुपये कमवत असाल तर..., अर्थमंत्र्यांनी बदलले नियम!

ही मर्यादा 9 वर्षांपूर्वी वाढवण्यात आली होती

या मर्यादेत शेवटची वाढ 2014 मध्ये झाली होती. त्यावेळी सरकारने ही मर्यादा दोन लाखांवरुन अडीच लाख रुपये केली होती. गेल्या 9 वर्षांपासून या मर्यादेत कोणताही बदल झालेला नाही. मोदी सरकारच्या दुसऱ्या कार्यकाळातील हा शेवटचा पूर्ण अर्थसंकल्प (Budget) आहे, त्यामुळे यावेळी सरकार अनेक मोठ्या घोषणा करु शकते.

ज्येष्ठ नागरिकांसाठी 3 लाखांची मर्यादा आहे

आता तुम्हाला अडीच लाख रुपयांपर्यंतच्या पगारावर कर भरावा लागणार नाही. या बजेटमध्ये सरकार तुमचा दिलासा आणखी 50,000 रुपयांनी वाढवू शकते. दुसरीकडे, ज्येष्ठ नागरिकांबद्दल बोलायचे झाल्यास, अशा लोकांसाठी ही मर्यादा 3 लाख रुपये आहे.

Nirmala Sitharaman
Income Tax: अर्थसंकल्पापूर्वी सरकारने दिली मोठी अपडेट, 'या' लोकांना मिळणार सवलत !

आता आयकर स्लॅब किती आहे?

>> अडीच लाख रुपये वार्षिक उत्पन्न - करमुक्त

>> 2.5 ते 5 लाख वार्षिक उत्पन्न – 5% कर

>> 5 ते 10 लाख वार्षिक उत्पन्न – 20 टक्के कर

>> 10 लाखांपेक्षा जास्त वार्षिक उत्पन्न - 30% कर

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com