UK ला मागे टाकत India बनली जगातील पाचव्या क्रमांकाची अर्थव्यवस्था

एक दशकापूर्वी भारत अकराव्या स्थानावर तर, ब्रिटन पाचव्या स्थानी होता
Indian Economy
Indian Economy Dainik Gomantak

ब्रिटनला (United Kingdom) मागे टाकत भारत जगातील सर्वात मोठी पाचवी अर्थव्यवस्था बनली आहे. ब्लूमबर्गच्या अहवालानुसार, आंतरराष्ट्रीय नाणेनिधीच्या जीडीपीनुसार (IMF GDP) अमेरिकन डॉलवरती हे मूल्यांकन आधारित आहे. यावर्षी भारतीय अर्थव्यवस्था सात टक्क्यांहून अधिक वाढू शकते असा अंदाज वर्तविला जात आहे. एक दशकापूर्वी भारत या क्रमवारीत अकराव्या स्थानावर होता. तर, ब्रिटन पाचव्या स्थानी होता.

Indian Economy
Big Drug Dealer: देशातील ड्रग्ज विक्रीचे जाळे गोव्यातून सक्रिय

जागतिक नाणेनिधी संघटनेने यापूर्वी भारतीय अर्थव्यवस्था आंतरराष्ट्रीय क्रमवारीत आगेकूच करू शकते असा अंदाज वर्तविला होता. आकडेवारीच्या आधारावर सध्या ब्लूमबर्गने सुधारित अहवाल दिला आहे. त्यानुसार आता भारत जगातील सर्वात मोठी पाचवी अर्थव्यवस्था ठरली आहे. भारत आता अमेरिका (America), चीन (China), जपान (Japan) आणि जर्मनी (Germany) या देशांनंतर जगातील पाचव्या क्रमांकाची सर्वात मोठी अर्थव्यवस्था असणारा देश आहे.

आंतरराष्ट्रीय नाणेनिधीचीच्या अंदाजानुसार, आशियाई महासत्ता बनण्याच्या मार्गावर असलेल्या भारताने या वर्षी वार्षिक आधारावर डॉलरच्या बाबतीत ब्रिटनला मागे टाकलं आहे. दुसरीकडे ब्रिटनची अर्थव्यवस्था आणखी घसरू शकते, असं तज्ज्ञांचे मत आहे. दुसऱ्या तिमाहीत ब्रिटनचा जीडीपी केवळ एक टक्क्यांनी वाढला आणि चलनवाढीनंतर 0.1 टक्के कमी झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com