देशाची अर्थव्यवस्था रूळावर: RBI गव्हर्नर

सणासुदीच्या हंगामामुळे देशातील व्यापार मोठ्या प्रमाणात वाढला असून त्याचबरोबर उपभोगाच्या मागणीत मजबूत परतावा असल्याचे ठोस संकेत आहेत.
देशाची अर्थव्यवस्था रूळावर: RBI गव्हर्नर
Indian Economy will boost after Covid-19 pandemic says RBI governor Shaktikanta Das Dainik Gomantak

देशातील सर्वात मोठी बँक 'स्टेट बँक ऑफ इंडिया' (SBI) ने काल 'एसबीआय बँकिंग आणि इकॉनॉमिक्स कॉन्क्लेव्ह' या वार्षिक कार्यक्रमाचे आयोजन केले होते . या कार्यक्रमात अर्थमंत्री निर्मला सीतारामन (Nirmala Sitharaman) आणि रिझर्व्ह बँक ऑफ इंडियाचे (RBI) गव्हर्नर शक्तीकांत दास (Shaktikanta Das) देखील सहभागी झाले होते.या कार्यक्रमादरम्यान, आरबीआय गव्हर्नर शक्तीकांत दास म्हणाले की, सणासुदीच्या हंगामामुळे देशातील व्यापार (Indian Economy) मोठ्या प्रमाणात वाढला असून त्याचबरोबर उपभोगाच्या मागणीत मजबूत परतावा असल्याचे ठोस संकेत आहेत. यामुळे कंपन्यांना अनुकूल आर्थिक परिस्थितीमध्ये क्षमता वाढवण्यासाठी आणि रोजगार आणि गुंतवणुकीला प्रोत्साहन मिळाले पाहिजे. (Indian Economy will boost after Covid-19 pandemic says RBI governor Shaktikanta Das)

तसेच “मला विश्वास आहे की, कोरोना महामारी नंतरच्या परिस्थितीत भारतामध्ये अधिक वेगाने वाढ करण्याची क्षमता आहे. देशातील अनेक उच्च वारंवारता निर्देशक सूचित करतात की देशाची अर्थव्यवस्था वेग घेत आहे. अर्थव्यवस्थेला गती मिळत असताना, ती व्यापक आणि सुस्थापित होण्यापूर्वी अनेक कामे पूर्ण करायची आहेत.” असे मत देखील शक्तीकांत दास यांनी मांडले आहे.

त्याचबरोबर , “भारतातील कृषी आणि उत्पादन क्षेत्रातील एकूण रोजगार ५६ टक्के आहे, परंतु सकल देशांतर्गत उत्पादनात (जीडीपी) त्यांचे योगदान २५ टक्के आहे. आमच्या कर्मचार्‍यांचा एक मोठा वर्ग कमी उत्पादकतेच्या क्षेत्रात अडकला आहे, ज्यामुळे आमच्या वाढीच्या क्षमतेवर परिणाम होत आहे.” असे सांगतच यामध्ये सुधारणा करण्याची गरज असल्याचे देखील त्यांनी सांगितले आहे.

Indian Economy will boost after Covid-19 pandemic says RBI governor Shaktikanta Das
बँक ऑफ बडोदा कडून अनेक मालमत्तांचा लिलाव..!

शक्तिकांता दास म्हणाले की, केंद्र सरकारने पेट्रोल आणि डिझेलवरील कमी केलेले उत्पादन शुल्क आणि विविध राज्य सरकारांनी इंधनावरील व्हॅट कमी केल्याने देशातील सामान्य लोकांची क्रयशक्ती वाढेल. हे देशाच्या अर्थव्यवस्थेसाठी अधिक चांगले सिद्ध होईल कारण यामुळे अतिरिक्त वापरासाठी अधिक वेग येईल.

Related Stories

No stories found.
Dainik Gomantak | दैनिक गोमन्तक
www.dainikgomantak.com