Indian Railways: रेल्वे प्रवाशांसाठी महत्त्वाची बातमी! तिकीट बुकिंगसह या सेवा राहणार बंद

Indian Railways: जर तुम्ही भारतीय रेल्वेने प्रवास करण्याचा विचार करत असाल तर ही बातमी तुमच्यासाठी महत्त्वाची आहे.
Indian Railways
Indian RailwaysDainik Gomantak

Indian Railways: जर तुम्ही भारतीय रेल्वेने प्रवास करण्याचा विचार करत असाल तर ही बातमी तुमच्यासाठी महत्त्वाची आहे. 26 ते 27 नोव्हेंबरच्या मध्यरात्री साडेतीन तासांसाठी पीआरएस सेवा तात्पुरती बंद ठेवण्यात येणार असल्याची माहिती भारतीय रेल्वेकडून देण्यात आली आहे. या काळात अनेक सेवा विस्कळीत राहतील, असे उत्तर रेल्वेने सांगितले आहे. अशा परिस्थितीत तुम्हीही रेल्वेने प्रवास करण्याचा प्लॅन करत असाल तर आधी ही बातमी वाचा.

रेल्वे प्रवाशांसाठी मोठी बातमी

रेल्वेने दिलेल्या माहितीनुसार, भारतीय रेल्वेची (Indian Railways) पीआरएस सेवा 26 ते 27 नोव्हेंबरच्या मध्यरात्री साडेतीन तासांसाठी तात्पुरती बंद राहणार आहे. उत्तर रेल्वेच्या प्रवक्त्याने सोमवारी ही माहिती दिली. रेल्वेने दिलेल्या माहितीनुसार, ऑनलाइन डाटाबेसच्या कामामुळे काही सेवा ठप्प राहतील. या सेवेत व्यत्यय आल्याने, रेल्वे आरक्षण, चार्टिंग, 139 सेवा, काउंटर सेवा, इंटरनेट बुकिंग यासह ईडीआर सेवा काही काळासाठी बंद राहतील. या सर्व सेवा 26 नोव्हेंबर रोजी रात्री 11.45 ते 27 नोव्हेंबर पहाटे 3.15 वाजेपर्यंत उपलब्ध नसतील.

Indian Railways
Indian Railways: रेल्वे प्रवाशांचे बल्ले-बल्ले, आता तिकिटावर मिळणार बंपर डिस्काउंट

सेवा बंद का राहतील माहित आहे?

ही घोषणा का करण्यात आली याची माहिती भारतीय रेल्वेने दिली आहे. खरे तर, रेल्वे प्रवाशांना सुविधा देण्यासाठी वेळोवेळी प्रवासी आरक्षण प्रणाली बदलत असते. गेल्या काही दिवसांपासून प्रवासी आरक्षण व्यवस्थेत अनेक बदल करण्यात आले असून, त्यामुळे प्रवाशांची (Passengers) सोय झाली आहे. रेल्वे मंत्रालयाने यापूर्वी संसदीय समितीला सांगितले होते की, भारतीय रेल्वे खानपान आणि पर्यटन महामंडळ पीआरएसच्या विद्यमान प्रणालीवर काम करत आहे. त्यासाठी रेल्वेच्या अपग्रेडेशनच्या सूचना देण्याच्या उद्देशाने सल्लागाराची नियुक्ती करण्यात आली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com