IRCTC Latest News: वैष्णोदेवीच्या करोडो भक्तांना रेल्वेने आनंदाची बातमी दिली आहे. जर तुम्हीही यावेळी चैत्र नवरात्रीत वैष्णोदेवीला जाण्याचा विचार करत असाल तर ही आनंदाची बातमी तुमच्यासाठी आहे.
चैत्र नवरात्री (Navratri 2023) 22 मार्चपासून सुरु होत आहे आणि त्यानिमित्त लाखो लोक मातेच्या दर्शनासाठी जातात. रेल्वेने आता कोणता विशेष उपक्रम सुरु केला आहे ते आम्ही तुम्हाला सांगणार आहोत-
आयआरसीटीसीने (IRCTC) सांगितले की, यावेळी वैष्णोदेवीच्या दर्शनासोबतच तुम्हाला कांगडा देवी, ज्वाला जी, माँ चामुंडा आणि चिंतापूर्णीलाही भेट देण्याची संधी मिळेल. रेल्वेने एक खास टूर पॅकेज काढले असून त्याअंतर्गत तुम्ही सहज मातेचे दर्शन घेऊ शकता.
रेल्वेने (Railway) 5 देवींच्या दर्शनासाठी खास टूर पॅकेज काढले आहे. यामध्ये तुम्हाला थर्ड एसी तसेच स्लीपर क्लासमध्ये बुकिंग करण्याची संधी मिळेल. तुम्ही 22 मार्च आणि 29 मार्चसाठी बुक करु शकता. ही ट्रेन जयपुरे येथून धावेल, परंतु तुम्ही ती गुडगाव, दिल्ली कॅंट, दिल्लीसह (Delhi) अनेक स्थानकांवरुन पकडू शकता.
यामध्ये क्लासनुसार भाडे वेगवेगळे असेल. तुम्ही 5 लोकांसोबत प्रवास केल्यास स्लीपर क्लाससाठी प्रति व्यक्ती 10,740 रुपये मोजावे लागतील. तर, सिंगल शेअरिंगसाठी 14,735 रुपये, डबल शेअरिंगसाठी 11,120 रुपये मोजावे लागतील.
या पॅकेजबद्दल अधिक माहितीसाठी तुम्ही https://www.irctctourism.com/pacakage_description?packageCode=NJR044 या अधिकृत लिंकला भेट देऊ शकता. येथे तुम्हाला सर्व माहिती मिळेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
