Indian Railways: वंदे भारतच्या प्रवाशांसाठी मोठी बातमी, रेल्वेमंत्र्यांनी केली 'ही' घोषणा

Indian Railways Boundary Wall: भारतीय रेल्वेकडून प्रवाशांची सोय लक्षात घेऊन आवश्यक कामे केली जात आहेत.
Vande Bharat Train
Vande Bharat TrainDainik Gomantak

Indian Railways Boundary Wall: भारतीय रेल्वेकडून प्रवाशांची सोय लक्षात घेऊन आवश्यक कामे केली जात आहेत. प्रवाशांचा प्रवास सोयीस्कर करण्यासाठी रेल्वेने 15 ऑगस्ट 2023 पर्यंत देशात 75 वंदे भारत गाड्या चालवण्याची तयारी केली आहे. यावर वेगाने काम सुरु असून, सध्या देशात 5 वंदे भारत गाड्या सुरु आहेत. मात्र गेल्या काही दिवसांपासून वंदे भारत सेमी हायस्पीड ट्रेनच्या अपघातांमुळे प्रवाशांना त्रासाला सामोरे जावे लागले. त्यामुळे गाडी गंतव्यस्थानावर उशिराने पोहोचली.

रेल्वे ट्रॅकपासून दूर ठेवण्याचा उद्देश

हे अपघात (Accident) लक्षात घेऊन बाउंड्री वॉलच्या सुधारित डिझाइनला रेल्वे मंत्रालयाने नुकतीच मान्यता दिली आहे. या आराखड्याला मंजुरी देण्यामागचा उद्देश जनावरांना रेल्वे ट्रॅकपासून दूर ठेवण्याचा आहे. यासंदर्भात रेल्वेमंत्री अश्विनी वैष्णव यांनी सांगितले की, येत्या पाच ते सहा महिन्यांत नवीन बाउंड्री वॉल तयार होईल.

Vande Bharat Train
Vande Bharat Train: वंदे भारत आता बिहारमधून धावणार; मंत्रिमहोदयांनी सांगितली योजना!

पाच ते सहा महिन्यांत तयार होईल

रेल्वे मंत्र्यांनी सांगितले की, ट्रेनचा अपघात टाळण्यासाठी बाउंड्री वॉलच्या नव्या डिझाइनला परवानगी देण्यात आली आहे. येत्या पाच ते सहा महिन्यांत ते तयार होईल. नुकतेच 29 ऑक्टोबर रोजी मुंबईतील (Mumbai) अतुल येथे एका प्राण्याला धडकल्याने वंदे भारत ट्रेन 15 मिनिटे उशिराने धावली होती. रेल्वेच्या मध्य विभागात हा अपघात झाला.

अपघातामुळे ट्रेन 15 मिनिटे उशिराने

अपघातग्रस्त वंदे भारत ही गाडी मुंबईहून गांधीनगरकडे जात असताना अपघात झाला. वाटेत झालेल्या या अपघातामुळे गाडी 15 मिनिटे उशिराने धावली. यापूर्वी 7 ऑक्टोबरला वंदे भारत ट्रेनसोबत अशीच घटना घडली होती. त्यावेळीही गाडी मुंबई सेंट्रलहून गांधीनगरकडे जात होती. वाटवा ते मणिनगर स्थानकादरम्यान ही दुर्घटना घडली.

Vande Bharat Train
Vande Bharat Express: वंदे भारत एक्स्प्रेसचा तिसऱ्यांदा अपघात, ट्रेनचा पुढील भाग तुटला

काही मीडिया रिपोर्ट्समध्ये असा दावा केला जात आहे की, रेल्वे मंत्रालयाने अशी ठिकाणे चिन्हांकित केली आहेत, जिथे प्राणी येण्याची शक्यता जास्त आहे. त्या ठिकाणी 100 किलोमीटर लांबीची बाउंड्री वॉल बांधण्यात येणार आहे. एका आकडेवारीनुसार, ऑक्टोबरच्या पहिल्या नऊ दिवसांत जनावरांच्या गर्दीमुळे 200 गाड्यांवर परिणाम झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com