महागाईचा उच्चांक: घाऊक बाजारातील महागाई दर 10.49 टक्क्यांवर पोहचला!

Inflation peaks Wholesale market inflation rises to 10.49 per cent
Inflation peaks Wholesale market inflation rises to 10.49 per cent

देशात कोरोनाचा संसर्ग (Corona Second Wave) पुन्हा एकदा वाढू लागला आहे. यातच आता कोरोनारुपी राक्षसामुळे सर्वसामान्यांचं जगण कठीण झालं आहे. कोरोनाचा संसर्ग रोखण्यासाठी लॉकडाऊन गरजेचं आहे. त्याचबरोबर दैनंदिन जगण्यासाठी कामधंदा करणं तितकच महत्त्वाचं आहे. त्यात आता कोरोना संसर्गामुळे सर्वसामान्यांच्या तोंडचं पाणी पळालं आहे. घाऊक बाजारातील महागाईचा(Inflation)वाढता दर चिंता वाढवत आहे. (Inflation peaks Wholesale market inflation rises to 10.49 per cent)

केंद्रीय वाणिज्य व उद्योग मंत्रालयाकडून (Ministry Of Commerce & Industry)नुकतीच घाऊक किंमतीची आकडेवारी जाहीर केली आहे. त्यातच मार्च महिन्याच्या तुलनेत एप्रिल महिन्यातील वाढता महागाई दर डोकेदुखी ठरत आहे. फळं, मांस, डाळी यांच्या किमतीत लक्षणीय वाढ झाली आहे. तर दुसरीकडे तांदूळ, भाज्या, कांदे-बटाटे यांच्या किंमती कमी झाल्याचं दिसून आलं आहे. मार्च महिन्यात महागाईचा दर हा 7.39 टक्के होता. आता एप्रिल महिन्यात तो 10.49 टक्क्यांवर पोहचला आहे. महागाई दरात एकाच महिन्यात जवळपास 3.1 टक्क्यांची वाढ झाली आहे. कच्चे तेल आणि पेट्रोलियम पदार्थांच्या किंमती वाढल्यामुळे हा महागाई दर वाढल्याचं सांगण्यात येत आहे.

केंद्रीय वाणिज्य आणि उद्योग मंत्रालयाने फेब्रुवारी, मार्च आणि एप्रिल महिन्यांची आकडेवारी समोर ठेवली आहे. फेब्रुवारीत महागाई दर 4.83 टक्के इतका होता. त्यानंतर मार्च महिन्यात महागाई दर 2.56  टक्क्यांनी वाढला आणि 7.39 टक्क्यांवर पोहचला आहे. तर मार्च महिन्याच्या तुलनेत महागाई दर 3.1 टक्क्यांनी वाढला असून तो आता 10.49 टक्क्यांवर पोहचला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com