Jet Airways: तीन वर्षांनंतर जेट एअरवेज उड्डाणासाठी सज्ज

Jet Airways Latest Update: तीन वर्षांनंतर जेट एअरवेजचे विमान पुन्हा एकदा सेवा देण्यासाठी सज्ज झाले असुन त्यासाठी भरतीही सुरू झाली आहे.
Jet Airways
Jet AirwaysDainik Gomantak

तीन वर्षांनंतर जेट एअरवेज (Jet Airways) पुन्हा एकदा सेवा देण्यासाठी सज्ज झाली आहे. कंपनीनं दिवाळखोरीमुळे 2019 साली सेवा बंद केली होती. त्यानंतर आता तीन वर्षानंतर जेट एअरवेज उड्डाण घेण्यासाठी सज्ज झाले आहे. कंपनीनं जुन्या कर्मचाऱ्यांना कामावर पुन्हा रुजू होण्यास सांगितले आहे. शिवाय कंपनीने भरतीही सुरु केली आहे. कंपनीने केबिन क्रूच्या जुन्या कर्मचाऱ्यांना परत कामावर बोलावलं आहे. (jet airways aircraft ready fly company invites former cabin crew rejoin)

* DGCA ने 20 मे रोजी परवानगी दिली

विमान वाहतूक क्षेत्र नियामक डायरेक्टरेट जनरल ऑफ सिव्हिल एव्हिएशन (DGCA) ने 20 मे रोजी एअरलाइनला व्यावसायिक हवाई ऑपरेशन्स पुन्हा सुरू करण्याची परवानगी दिली. पीटीआयच्या वृत्तानुसार, एअरलाइनचे मुख्य कार्यकारी अधिकारी (CEO) संजीव कपूर यांनी ट्विट केले आहे की आमच्या ऑपरेशनल अपॉइंटमेंट्स सुरू झाल्या आहेत. यामध्ये आम्ही जेटच्या माजी जवानांना परत बोलावले आहे. येत्या काही दिवसांत पायलट आणि इंजिनीअर्सची भरती सुरू होणार आहे.

Jet Airways
आता घरबसल्या जाणून घ्या गोव्यातील इंधनाचे दर

* सेवा लवकरच सुरू होऊ शकते
विमान कंपनीचे व्यावसायिक हवाई ऑपरेशन जुलै-सप्टेंबर तिमाहीत सुरू होण्याची अपेक्षा आहे. मात्र, सध्या विमान कंपनीने केवळ महिला क्रू मेंबर्सला परत बोलावले आहे. शुक्रवारी ट्विटरवर एक जाहिरात शेअर करताना एअरलाइनने सांगितले की, घरासारखे काहीही नाही. जेट एअरवेजच्या माजी केबिन क्रूला परत येण्यासाठी आणि भारतातील सर्वोत्कृष्ट एअरलाइन पुन्हा सुरू करण्यासाठी एकत्र येण्यासाठी आमंत्रित केले जात आहे. सध्या आम्ही फक्त महिला क्रूला आमंत्रित करत आहोत. पुरुष क्रूची भरती सुरू होताच, आम्ही उड्डाण सेवा सुरू करण्यास पुढे जाऊ.

5 मे 2022 रोजी, जेट एअरवेजने हैदराबाद ते दिल्ली एक चाचणी उड्डाण घेतले. ही फ्लाइट पूर्ण तीन वर्षांनी भरली होती. कारण 2019 मध्ये कंपनीच्या दिवाळखोरीमुळे सेवा बंद झाल्या होत्या. अधिकृत दस्तऐवजानुसार, जालन-कोलरॉक कंसोर्टियम सध्या जेट एअरवेजचे प्रवर्तक आहे. पूर्वी त्याचे मालक नरेश गोयल होते. 17 एप्रिल 2019 रोजी जेट एअरवेजच्या विमानाने शेवटचे उड्डाण केले.

* जालान-कॅलरॉकच्या नेतृत्वातील तयारी
मुरारी लाल जालान आणि कालरॉक कंसोर्टियमने जून 2021 मध्ये नॅशनल कंपनी लॉ ट्रिब्युनल (NCLT) देखरेखीत दिवाळखोरी आणि निराकरण प्रक्रियेत जेट एअरवेजची बोली जिंकली. आता याला सुरक्षा मंजुरी मिळाल्यानंतर कंपनीच्या सेवा नव्या मालकासह पुन्हा सुरू होणार आहेत. या क्रमाने कंपनीने भरती प्रक्रिया सुरू केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com