7th Pay Commission: सरकारी कर्मचाऱ्यांचे बल्ले-बल्ले, DA मध्ये झाली मोठी वाढ; ट्वीट करत सरकारने दिली अपडेट!

7th Pay Commission: कर्नाटक सरकारने मंगळवारी राज्य सरकारी कर्मचारी आणि पेन्शनधारकांच्या महागाई भत्त्यात (DA) 1 जानेवारीपासून वाढ केली आहे.
7th Pay Commission DA Hike
7th Pay Commission DA HikeDainik Gomantak

7th Pay Commission: कर्नाटक सरकारने मंगळवारी राज्य सरकारी कर्मचारी आणि पेन्शनधारकांच्या महागाई भत्त्यात (DA) 1 जानेवारीपासून वाढ केली आहे. अनेक दिवसांपासून राज्य सरकारी कर्मचारी याची प्रतीक्षा करत होते, मात्र कर्नाटक विधानसभा निवडणुकीमुळे हा निर्णय रखडला होता.

आता, राज्यात काँग्रेसचे सरकार आल्यानंतर डीए आणि डीआरमध्ये वाढ करण्यात आली आहे. कर्नाटक सरकारच्या अधिसूचनेनुसार, जानेवारीपासून आतापर्यंतची थकबाकी मे महिन्याच्या पगारात दिली जाईल. सरकारने DA आणि DR मध्ये किती वाढ केली आहे ते जाणून घेऊया...

4 टक्क्यांनी वाढला महागाई भत्ता

कर्नाटकातील (Karnataka) सरकारी कर्मचारी आणि पेन्शनधारकांच्या महागाई भत्त्यात सरकारकडून वाढ जाहीर करण्यात आली आहे. अधिकृत सूचनेनुसार, 1 जानेवारी 2023 पासून कर्मचाऱ्यांना DA आणि पेन्शनधारकांना DA दिला जाईल.

राज्य सरकारने डीए आणि डीआरमध्ये 4 टक्क्यांची वाढ केली आहे. त्यानंतर, महागाई भत्ता आणि महागाई सवलत दोन्ही 31 टक्क्यांवरुन 35 टक्क्यांपर्यंत वाढले आहेत. या निर्णयानंतर राज्यातील लाखो कर्मचाऱ्यांच्या पगारात वाढ होणार आहे.

7th Pay Commission DA Hike
7th Pay Commission: केंद्रीय कर्मचाऱ्यांसाठी आनंदाची बातमी, 108000 रुपयांचा मिळणार लाभ; सरकार लवकरच...!

हरियाणामध्येही महागाई भत्त्यासंबंधी घोषणा करण्यात आली

यापूर्वी, हरियाणा सरकारने (Government) राज्य सरकारी कर्मचार्‍यांच्या महागाई भत्त्यात (DA) 4 टक्के वाढ करण्याची घोषणा केली होती. वित्त विभागाच्या आदेशानुसार, 1 जानेवारी 2023 पासून डीए मूळ वेतनाच्या 38 टक्क्यांवरुन 42 टक्के करण्यात आला आहे.

सर्वप्रथम केंद्र सरकारने महागाई भत्ता आणि महागाई सवलतीत 4 टक्क्यांनी वाढ केली होती. केंद्र सरकारने महागाई भत्ता आणि महागाई सवलत 38 टक्क्यांवरुन 42 टक्क्यांपर्यंत वाढवले आहेत. त्यानंतर, आता सर्व राज्यांमध्ये सरकारी कर्मचाऱ्यांना दिलासा देण्याचे काम सुरु झाले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com